នៅថ្ងៃទី២៦ ខែមិថុនា ឆ្នាំ២០២៣ នៅទីបញ្ជាការកងពលតូចថ្មើរជើងលេខ៥៣ បានប្រារព្ធពិធីបិទវគ្គហ្វឹកហ្វឺនក្បាច់គុននៃកងយោធពលខេមរភូមិន្ទ និងបើកវគ្គហ្វឹកហ្វឺនបំប៉នពង្រឹងវរសេនាតូចថ្មើរជើងលេខ៥៣៤ ហ្វឹកហ្វឺនក្បាច់គុនកងយោធពលខេមរភូមិន្ទឆ្នាំ២០២៣ ក្រោមអធិបតីភាព ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥។ នៅក្នុងពិធីនោះមានការអញ្ជើញចូលរួមជាគណៈអធិបតីរួមមានៈ ឯកឧត្តម យូ ស៊ីណែត ប្រធានសហព័ន្ធកីឡាយុទ្ធក្រមខមកម្ពុជា ឯកឧត្តម ផេង សុធី អភិបាលរង នៃគណៈអភិបាលខេត្តបាត់ដំបង ឯកឧត្តម សុខ ពិសី អភិបាលរង នៃគណៈអភិបាលខេត្តប៉ៃលិន និងបានអញ្ជើញក្នុងអង្គពិធីរួមមានៈ មេបញ្ជាការទិសទី១ ទិសទី២ ទិសទី៣ និងទិសទី៤យោធភូមិភាគទី៥ មេបញ្ជាការ មេបញ្ជាការរងកងពលតូចថ្មើរជើងលេខ៥១,៥២ មេបញ្ជាការ មេបញ្ជាការរងតំបន់ប្រតិបត្តិការសឹងរងខេត្តបាត់ដំបង បន្ទាយមានជ័យ ប៉ៃលិន ពោធិ៍សាត់ មេបញ្ជាការ មេបញ្ជាការរងកងរាជអាវុធហត្ថខេត្តបាត់ដំបង បន្ទាយមានជ័យ ប៉ៃលិន ពោធិ៍សាត់ ស្នងការ ស្នងការរងខេត្តបាត់ដំបង ប៉ៃលិន ប្រធានអង្គភាពបោសសម្អាតមីន CMAC ប្រធានក្រុមហ៊ុនមេក្រូភ្យរីហ្វីខេហ្សិន មេបញ្ជាការកងការពារព្រំដែនលេខ៥០១ ៥០២ ៥០៣ និង៥០៤ ប្រធានក្រុមការងារទំនងច្រកព្រំដែនទាំង៤ មេបញ្ជាការផ្នែកសឹករងស្រុកកំរៀង ភ្នំព្រឹក សំពៅលូន បវេល សាលាក្រៅ អធិការស្រុកកំរៀង ភ្នំព្រឹក សំពៅលូន បវេល សាលាក្រៅ អនុប្រធានមណ្ឌលស្តារនិតិសម្បទាពិភពនៃក្តីសង្ឃឹមខេត្តបាត់ដំបង មេបញ្ជាការវរសេនាតូចនគរបាលការពារព្រំដែនគោកលេខ៨១៧,៨១៩ នាយប៉ុស្តិ៍អន្តោប្រវេសន៍ច្រកអន្តរជាតិដូង និងច្រកគីឡូលេខ១៣(ភ្នំដី) មេឃុំ មេប៉ុស្តិ៍នគរបាលរដ្ឋបាលឃុំតាក្រី អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ សិក្ខាកាមបញ្ចប់វគ្គ និងសិក្ខាកាមបើកវគ្គ ព្រមទាំងសមាជិកអង្គពិធីទាំងមូលសរុបចំនួន៦០៣នាក់។ នៅក្នុងឳកាសនោះ ឧត្តមសេនីយ៍ត្រី កែវ សេងលន មេបញ្ជាការកងពលតូចថ្មើរជើងលេខ៥៣ បានឡើងធ្វើសន្ទរកថាស្វាគមន៍ជូនដល់ ឯកឧត្តមអធិបតី គណៈអធិបតី និងសមាជិកអង្គពិធីទាំងមូល ដែលថ្ងៃនេះ កងពលតូចថ្មើរជើងលេខ៥៣មានកិត្តិយស និងមោទនភាពក្រៃលែង ដែលបានឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ ឆ្លៀតឳកាសយ៉ាងមមាញឹកអញ្ជើញជាអធិបតីក្នុងពិធីបិទវគ្គហ្វឹកហ្វឹកហ្វឺនក្បាច់គុនកងយោធពលខេមរភូមិន្ទ និងបើកវគ្គហ្វឹកហ្វឺនបំប៉នពង្រឹងវរសេនាតូចថ្មើរជើងលេខ៥៣៤ ហ្វឹកហ្វឺនប្រឆាំងបាតុកម្ម និងក្បាច់គុនកងយោធពលខេមរភូមិន្ទដល់យោធិនចំណុះកងពលតូចថ្មើរជើងលេខ៥៣នាឳកាសនេះ។ ជំនួសមុខឲ្យនាយទាហាន នាយទាហានរង ពលទាហាន កម្មសិក្សាការីទាំំងអស់ និងក្នុងនាមលោកផ្ទាល់សូមគោរពសម្តែងនូវគារវកិច្ចស្វាគមន៍យ៉ាងកក់ក្តៅបំផុតចំពោះវត្តមានដ៏ខ្ពង់ខ្ពស់របស់ឯកឧត្តមអធិបតី និងសូមថ្លែងអំណរគុណយ៉ាងជ្រាលជ្រៅ ឯកឧត្តមគណៈអធិបតី ប្រតិភូអមដំណើរ អាជ្ញាធរដែនដី មន្ត្រីរាជការ និងអស់លោកមេបញ្ជាការគ្រប់បណ្តាអង្គភាព ព្រមទាំងភ្ញៀវកិត្តិយស ដែលបានឆ្លៀតឳកាសអញ្ជើញចូលរួមក្នុងពិធីដ៏មានសារៈសំខាន់នាពេលនេះ។ បន្ទាប់ពីបានស្តាប់នូវសន្ទរកថាស្វាគមន៍ និងសេចក្តីរាយការណ៍របស់មេបញ្ជាការកងពលតូចថ្មើរជើងលេខ៥៣ ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានមានប្រសាសន៍សំណេះសំណាលដល់សមាជិកអង្គពិធីទាំំងមូល លោកមានសេចក្តីសោមនស្សរីករាយក្រៃលែង ដែលត្រូវបានអញ្ជើញជាអធិបតីក្នុងពិធីបិទវគ្គហ្វឹកហ្វឹកហ្វឺនក្បាច់គុនកងយោធពលខេមរភូមិន្ទ និងបើកវគ្គហ្វឹកហ្វឺនបំប៉នពង្រឹងវរសេនាតូចថ្មើរជើងលេខ៥៣៤ ហ្វឹកហ្វឺនប្រឆាំងបាតុកម្ម និងក្បាច់គុនកងយោធពលខេមរភូមិន្ទដល់យោធិនចំណុះកងពលតូចថ្មើរជើងលេខ៥៣នាឳកាសនេះ។ ការបិទវគ្គបញ្ចប់ក្បាច់គុននៃកងយោធពលខេរមរភូមិន្ទ ដែលបានដំណើរការហ្វឹកហ្វឺននៅទីបញ្ជាការកងពលតូចថ្មើរជើងលេខ៥៣ ចាប់តាំងពីចុងឆ្នាំ២០២២ រហូតមកដល់បច្ចុប្បន្ននេះ ក្រោមកិច្ចសហការជាមួយសហព័ន្ធយុទ្ធក្រមខមកម្ពុជារហូតបានបញ្ចប់ដោយបានសម្រេចនូវលទ្ធផលគួរឲ្យមោទនភាព។ លោកបន្តថា សូមឯកភាពនូវរបាយការររបស់មេបញ្ជាការកងពលតូចថ្មើរជើងលេខ៥៣ ដែលបានលើកឡើងអំពីលទ្ធផលការងារហ្វឹកហ្វឺនអស់រយៈពេលច្រើនខែកន្លងមកនេះ ហើយតាមការត្រួតពិនិត្យ និងទស្សនាការសម្តែងក្បាច់គុនរបស់សិក្ខាកាមដែលបានបិទវគ្គថ្ងៃនេះ លោកសូមវាយតម្លៃខ្ពស់ចំពោះលទ្ធផល គឺមានសកម្មភាពរស់រវើកគួរឲ្យមោទនភាពចំពោះកងយោធពលខេមរភូមិន្ទរបស់យើង ជាពិសេសចំពោះកងពលតូចថ្មើរជើងលេខ៥៣។ ហើយក៏សូមវាយតម្លៃខ្ពស់ចំពោះក្រុមការងារហ្វឹកហ្វឺនកងពល លោកគ្រូយោធាចារ្យ និងប្រធានសហព័ន្ធ ដែលបានសហការជាមួយនឹងកងពលតូចថ្មើរជើងលេខ៥៣ ជាពិសេសសិក្ខាកាមទាំងអស់ ដែលបានខិតខំប្រឹងប្រែងហ្វឹកហាត់រហូតទទួលបានលទ្ធផលល្អប្រសើរ ហើយនេះគឺជាមោទនភាពថ្មីមួយទៀតសម្រាប់យោធភូមិភាគទី៥ ដែលបានចូលរួមលើកស្ទួយក្បាច់គុនកងយោធពលខេមរភូមិន្ទរបស់យើងឲ្យមានភាពរស់រវើក។ក្នុងនាមមេបញ្ជាការយោធភូមិភាគទី៥ សូមសម្តែងការអរគុណចំពោះឯកឧត្តមគណៈអធិបតី ឯកឧត្តម អស់លោក លោកស្រី ប្រតិភូអមដំណើរ និងភ្ញៀវកិត្តិយសទាំងអស់ ដែលបានចំណាយពេលវេលាដ៏មានតម្លៃអញ្ជើញចូលរួមក្នុងពិធីបិទនិងបើកវគ្គហ្វឹកហ្វឺននាពេលនេះ និងសូមកោតសរសើរចំពោះថ្នាក់ដឹកនាំកងពលតូចថ្មើរជើងលេខ៥៣ និងក្រុមការងារហ្វឹកហ្វឺន ដែលបានខិតខំយកចិត្តទុកដាក់សហការល្អរៀបចំពិធីបិទនិងបើកវគ្គហ្វឹកហ្វឺនបានទាន់ពេលវេលាតាមផែនការឆ្នាំ២០២៣ ដែលកងទ័ពជើងគោក និងយោធភូមិភាគបានដាក់ចុះ៕
You might like
កងរាជអាវុធហត្ថខេត្តបញ្ជូនជនសង្ស័យជនជាតិខ្មែរ-ថៃ ចំនួន២នាក់ ទៅសាលាដំបូងខេត្តអនុវត្តតាមនីតិវិធី ពាក់ព័ន្ធករណី ជួញដូរ និងប្រើប្រាស់ដោយខុសច្បាប់នូវសារធាតុញៀន
23/09/2024
8 Likes
10
ថ្នាក់ដឹកនាំខេត្តប៉ៃលិន នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ ចំនួន ៣វត្ត ក្នុងក្រុងប៉ៃលិន នាឱកាសបិណ្ឌវេនទី៤..!?
22/09/2024
5 Likes
11
លទ្ធផលបង្ក្រាបករណីក្មេងទំនើង ២សប្ដាហ៍ដើមខែកញ្ញានេះ នគរបាលបង្ក្រាបបានជាង២០ករណី
19/09/2024
13 Likes
11
អ្នកនាំពាក្យឯកឧត្តម ស សុខា ផ្ញើសារប្រកបដោយក្ដីសង្ឃឹមជូនឪពុកម្ដាយសពកុមារី២រូបស្លាប់ដោយគ្រោះថ្នាក់ចរាចរណ៍
19/09/2024
18 Likes
13