ខេត្តបាត់ដំបង៖នៅព្រឹកថ្ងៃចន្ទ១៥រោចខែបឋមាសាឍឆ្នាំថោះបញ្ចស័កព.ស.២៥៦៧ត្រូវនឹងថ្ងៃទី១៧ខែកក្កដាឆ្នាំ២០២៣ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកស្រី ព្រមទាំងថ្នាក់ដឹកនាំនិងកងកម្លាំងនគរបាលចំណុះស្នងការដ្ឋានទាំងអស់ បានមូលមតិផ្តួចផ្តេីម នាំយកទេយ្យវត្ថុនិងបច្ច័យទៅប្រគេនចំពោះព្រះសង្ឃសម្រាប់ការចូលកាន់ព្រះវស្សាអស់កាលត្រីមាសនៅទីអារាមវត្តឧត្តមមុន្នីគិរីព័ន្ធជុំហៅវត្តអូរតាតៀក ស្ថិតនៅភូមិអូរតាតៀក ឃុំតាតោកស្រុកសំឡូតខេត្តបាត់ដំបងដែលនឹងឈានចូលមកដល់នាប៉ុន្មានថ្ងៃខាងមុខ។ ក្នុងការអញ្ចេីញចូលរួមនាពេលនេះមានលោក លោកស្រី ឧបាសក ឧបាសិកា ប្រជាពុទ្ធបរិស័ទ្ធប្រុស ស្រី ទាំងទីជិត និងទីឆ្ងាយបានអញ្ជេីញចូលរួមយ៉ាងច្រេីនកុះករផងដែរ។ ក្នុងទិដ្ឋភាពដ៏អធិកអធ្មនេះ លោកឧត្តមសេនីយ៍ទោស្នងការ និងលោកស្រីបានប្រគេនចំពោះព្រះសង្ឃរួមមាន៖ -ទៀនចំណាំព្រះវស្សា -ទេយ្យវត្ថុមានអង្ករ- មី -ទឹកត្រី -ទឹកស៊ីអីវ- ទឹកបរិសុទ្ធ- ប្រេងឆា -ត្រីខកំប៉ុង-ភេសជ្ជៈ -ផ្លែឈេីស្រស់- នំអន្សម ចង្ហាន់-សាដក…។ល។ -បច្ច័យចំនួន៥,៨៥០,០០០រៀល(ប្រាំលានប្រាំបីសែននិងប្រាំម៉ឺនរៀល)(សម្រាប់ប្រេីប្រាស់នាអំឡុងពេលចូលព្រះវស្សា) -បច្ច័យចំនួន១៥,៣៩០,០០០រៀល(ដប់ប្រាំលានសាមសិបប្រាំបួនម៉ឺនរៀល)(សម្រាប់ចូលរួមក្នុងការកសាងព្រះវិហារ)។ ក្នុងវេលាពោរពេញដោយសេចក្តីជ្រះថ្លានេះបំផុតនេះក្នុងនាមថ្នាក់ដឹកនាំស្នងការនៃស្នងការដ្ឋាននគរបាលខេត្តបាត់ដំបងនិងលោកស្រី សូមចែករំលែកនូវអត្ថមនុញ្ញផលដែលកេីតឡេីងអំពីបុណ្យនាពេលនេះ បានដល់ឯកឧត្តម លោកជំទាវ លោក លោកស្រីទាំងអស់ ទទួលបានចំណែកបុណ្យស្មេីៗគ្នាកុំបី អាក់ ខានឡេីយ៕
