បាត់ដំបង៖ កាលពីថ្ងៃទី១៥ខែសីហា ឆ្នាំ២០២៤លោកឧត្តមសេនីយ៍ទោដាញ់អេងប៊ុនចាន់ស្នងការនៃស្នងការដ្ឋាននគរបាលខេត្តបាត់ដំបង និងជាប្រធានគណៈកម្មាការមូលដ្ឋានសមាគមមិត្តនគរបាលជាតិកម្ពុជាខេត្តបាត់ដំបង បានចាត់តាំងលោកឧត្តមសេនីយ៍ត្រី ពៅ ថាវុធ ស្នងការរងផែនការងារធនធានមនុស្សនិងជាអនុប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជានៃស្នងការដ្ឋាននគរបាលខេត្តបាត់ដំបងជាតំណាងដោយមានការចូលរួមពីលោកនាយ នាយរងការិយាល័យនិងមន្រ្តីក្នុងផែនផងលោកអធិការ អធិការរងនិងមន្រ្តីនគរបាលក្រុង ស្រុកពាក់ព័ន្ធបានចូលរួមគោរពវិញ្ញាណក្ខន្ធ សពលោករតន៍ ម៉ូរ៉ាជានិវត្តជន៍សមាជិកសមាគមមិត្តនគរបាលជាតិកម្ពុជានិងជាអតីតស្នងការរងនគរបាលខេត្តបាត់ដំបងដែលលោកបានទទួលមរណភាពកាលពីថ្ងៃទី១៤ខែសីហាឆ្នាំ២០២៤ ដោយ រោគាពាធ ក្នុងជន្មាយុ៧១ឆ្នាំ ហេីយសពកំពុងកម្កល់ធ្វេីបុណ្យតាមប្រៃណីនៅភូមិចំការសំរោង២សង្កាត់ចំការសំរោង ក្រុងបាត់ដំបង ខេត្តបាត់ដំបង។
ជាមួយនោះក្នុងនាមសមាគមអតីតយុទ្ធជនកម្ពុជាស្រុកសង្កែ និងខេត្តបាត់ដំបងក៏បានអញ្ជេីញចួលរួមនាពិធីនេះដែរ។
នៅព្រឹកថ្ងៃទី១៦ខែ សីហាឆ្នាំ២០២៤នេះលោកឧត្តមសេនីយ៍ទោស្នងការបានចាត់តាំងលោកវរសេនីយ៍ឯក អ៉ិម កុសល ស្នងការរង នាំយកថវិកាដែលចូលរួមរបស់កងកម្លាំងនគរបាលចំណុះស្នងការដ្ឋាននិងសារលិខិតរំលែកមរណៈទុក្ខទៅប្រគល់ជូនក្រុមគ្រួសារសព ដល់លំនៅដ្ឋាន។
*-សរុបថវិកាដែលក្រុមគ្រួសារសពទទួលបានគឺ៖
-ថវិកាសមាគមមិត្តនគរបាលជាតិកម្ពុជាចំនួន៦,០០ ០,០០០រៀល (ប្រាំមួយលានរៀល)
-ថវិកាសមាគមអតីតយុទ្ធជនកម្ពុជាខេត្តបាត់ដំបងចំនួន៤,០០០,០០០រៀល(បួនលានរៀល)
-ថវិកាផ្ទាល់របស់លោកឧត្តមសេនីយ៍ស្នងការចំនួន១,០០០,០០០រៀល(មួយលានរៀល)
-ថវិកាចូលរួមរបស់កងកម្លាំងនគរបាលចំនួន២,៨៣០,០០០រៀល(ពីរលានប៉ែតសិបបីម៉ឺនរៀល)
ប្រគល់ជូនគ្រួសារសព ដើម្បីចាត់ចែងធ្វើបុណ្យតាមប្រពៃណី ហេីយចំពោះបងប្អូនកងកម្លាំងមួយំនួនក៏លោកបានអញ្ជើញទៅចូលរួមដោយផ្ទាល់ផងដែរ។
ថ្នាក់ដឹកនាំស្នងការក៏ដូចជាថ្នាក់ដឹកនាំសមាគមមិត្តនគរបាលជាតិកម្ពុជារួមទាំងកងកម្លាំងនគរបាលទាំងអស់ និងជាសមាជិកសមាគមមិត្តនគរបាលជាតិកម្ពុជានៃស្នងការដ្ឋាននគរបាលខេត្តបាត់ដំបងសូមចូលរួមរំ លែកទុក្ខយ៉ាង ក្រៀមក្រំបំផុតចំពោះក្រុមគ្រួសារសព៕