អង្គភាពសារព័ត៌មាន ប្រម៉ាញ់ជាយដែន សូមថ្លែងអំណរគុណ ប្រិយមិត្តទាំងអស់ ដែលគាំទ្ររាល់ការផ្សាយរបស់បណ្តាញសារព័ត៌មានយើងខ្ញុំ ! PMC News TV Would Like to Thank all the Fans Who Support Our Broadcasts ! លោកវរសេនីយ៍ឯក ជាតារា មេបញ្ជាការរងកងរាជអាវុធហត្ថសហការជាមួយកម្លាំងរដ្ឋបាលព្រៃឈើ ចុះត្រួតពិនិត្យទីតាំងការដ្ឋានជនជាតិចិនមួយកន្លែងរកឃើញរថយន្តចង្កូតស្តាំជាច្រើនគ្រឿង និងឈើប្រណីតជាច្រើនម៉ែត្រគូប - PMC-News

លោកវរសេនីយ៍ឯក ជាតារា មេបញ្ជាការរងកងរាជអាវុធហត្ថសហការជាមួយកម្លាំងរដ្ឋបាលព្រៃឈើ ចុះត្រួតពិនិត្យទីតាំងការដ្ឋានជនជាតិចិនមួយកន្លែងរកឃើញរថយន្តចង្កូតស្តាំជាច្រើនគ្រឿង និងឈើប្រណីតជាច្រើនម៉ែត្រគូប

ខេត្តបាត់ដំបង៖ ដោយមានបទបញ្ជាពីលោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបងឲលោកវរសេនីយ៍ឯក ជាតារា មេបញ្ជាការរងកងរាជអាវុធហត្ថ បានដឹកនាំកម្លាំងកងរាជអវុធហត្ថខេត្តបាត់ដំបង ដោយមានការសម្របសម្រួលពីព្រះរាជអាជ្ញារង ទុត វីនីត និងកម្លាំងគយ កម្លាំងរដ្ឋបាលព្រៃឈើ កម្លាំងអាជ្ញាធរភូមិ-ឃុំ បានចុះត្រួតពិនិត្យទីតាំងការដ្ឋានជនជាតិចិនមួយកន្លែង។

យោងតាមការចុះផ្សាយតាមផេកផ្លូវការរបស់បញ្ជាការដ្ឋានកងរាជអាវុធហត្ថខេត្តបាត់ដំបង នាល្ងាចថ្ងៃទី២២ ខែមីនា ឆ្នាំ២០២៥ បានបញ្ជាក់ថា កិច្ចចុះប្រតិបត្តិការត្រួតពិនិត្យទីតាំងការដ្ឋានរបស់ជនជាតិចិនខាងលើ ធ្វើឡើងកាលពីវេលាម៉ោង ០៩និង០០នាទី ថ្ងៃទី២២ ខែមីនា ឆ្នាំ២០២៥ ស្ថិតនៅភូមិបឹងអំពិល ឃុំស្ដៅ ស្រុករតនៈមណ្ឌល ខេត្តបាត់ដំបង ដែលមានម្ចាស់ ឈ្មោះ លីយ៉ុងកួយ ភេទប្រុសអាយុប្រហែល៥៥ឆ្នាំ ជាជនជាតិចិន និងអ្នកតំណាងឈ្មោះ វ៉ាន់ សុជាតា ភេទស្រីអាយុ៣៣ឆ្នាំ មុខរបរគណនេយ្យ មានទីលំនៅភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ជាមួយកិច្ចប្រតិបត្តិការខាងលើនេះ មន្ត្រីជំនាញបានរកឃើញ , ក្បាលរថយន្តសណ្តោងរឺម៉កចង្កូតស្ដាំចំនួន១៤គ្រឿង , រថយន្តទេសចរណ៍ចំរុះម៉ាកចង្កូតស្តាំ ចំនួន ១០គ្រឿង , រឺម៉កសណ្តោងមានសាទែន ចំនួន២គ្រឿង , សាមីរឺម៉ក ចំនួន៤ គ្រឿង , ឧបករណ៍សម្រាប់ដាប់លេខតួរថយន្ត ចំនួន ១ឈុត និងឈើមួយចំនួនផងដែរ។ ក្រោយពីធ្វើការត្រួតពិនិត្យរួចរាល់ រថយន្តចង្កូតស្តាំខាងលើត្រូវបានប្រគល់អោយមន្ត្រីគយនឹងរដ្ឋាករខេត្តបាត់ដំបងដើម្បីចាត់ការតាមនីតិវិធី ចំណែកឈើត្រូវបានប្រគល់អោយរដ្ឋបាលព្រៃឈើចាត់ការបន្រតាមនីតិវិធី ។ ផ្សាយដោយ អង្គភាពគេហទំព័រ ប្រម៉ាញ់ជាយដែន tv





Theme images by Radius Images. Powered by Blogger.