(ខេត្តកណ្តាល)៖ កម្លាំងនគរបាល ប្រឆាំងបទល្មើស គ្រឿងញៀននៃ អធិការរដ្ឋាននគរបាល ស្រុកស្អាងសហការ ជាកម្លាំងនគរបាលប៉ុស្តិ៍ ឃុំតាលន់បានចុះបង្ក្រាប ករណីគ្រឿងញៀន មួយកន្លែងនិងឃាត់ ខ្លួនជនសង្ស័យ បាន១នាក់កាលពី រសៀលថ្ងៃទី១០ខែមករាឆ្នាំ ២០២០វេលាម៉ោង ១៦និង១០នាទី នៅចំណុចភូមិ ទួលស្ពឺឃុំតាលន់ ស្រុកស្អាង ខេត្តកណ្តាល។
សមត្ថកិច្ចបានប្រាប់ អោយដឹងថាជន សង្ស័យដែលកម្លាំង ជំនាញឃាត់ខ្លួនបាន មានឈ្មោះផេង ឆេង អៀងហៅអើង ភេទប្រុសអាយុ២៧ឆ្នាំ មានមុខរបរ មិនពិតប្រាកដរស់ នៅភូមិទួលស្ពឺ ឃុំតាលន់ស្រុកស្អាង ខេត្តកណ្តាល ។
ក្រោយពីឃាត់ខ្លួន ជនសង្ស័យខាងលើ កម្លាំងជំនាញឆែកឆេរ និងដកហូតបានវត្ថុតាង រួមមានម្សៅក្រាម ពណ៌សថ្លា សង្ស័យជាសារធាតុញៀន ប្រភេទយ៉ាម៉ាទឹកកកចំនួន ០៧កញ្ចប់ក្នុងនោះ មានតូច០៦ កញ្ចប់ធំ០១កញ្ចប់ ។
សមត្ថកិច្ចបានប្រាប់ អោយដឹងបន្តរទៀត ថាករណីចុះបង្ក្រាប គ្រឿងញៀនខាង លើនេះគឺទទួលបាន សេចក្តីរាយការណ៍ ពីប្រជាពលរដ្ឋនៅ ក្នុងចំណុចកើតហេតុខាង លើភ្លាមៗនោះកម្លាំងប៉ុស្តិ៍ តាលន់បានចុុះដល់ ចំណុចខាងលើក៏បាន ឃាត់ខ្លួនជនសង្ស័យ បាន១នាក់ភ្លាមៗនិង នាំយកប៉ុស្តិ៍ដើម្បី ធ្វើការ សាកសួរបន្តរ។
សមត្ថកិច្ចបានអោយ ដឹងបន្ថែមទៀតថា នៅចំពោះមុខសមត្ថកិច្ច នគរបាល ជនសង្ស័យខាងលើ បានសារភាពថា គ្រឿងញៀន ខាងលើនេះខ្លួនបានទិញពី បុរសម្នាក់មិន ស្គាល់ឈ្មោះ នៅម្តុំវត្តថ្មី ស្ថិតក្នុងភូមិ វាលត្រែង ឃុំតាលន់ស្រុកស្អាង ខេត្តកណ្តាល ក្នុងតម្លៃ១៨០០០០៛ (ដប់ប្រាំបីមឺុនរៀល) រួចយកមកវេចខ្ចប់បាន ចំនួន០៦កញ្ចប់តូចនិង ចំនួន១កញ្ចប់ធំនេះ គឺដើម្បីលក់១កញ្ចប់តូច តម្លៃ២០០០០៛ ។
ជនសង្ស័យខាង លើបានសារភាពបន្លែម ទៀតថាខ្លួនធ្លាប់ទិញ គ្រឿងញៀនជនមិនស្គាល់ ឈ្មោះខាងលើនេះមាន ចំនួន៣លើកមកហើយ ហើយទិញម្តងៗ ក្នុងតម្លៃ១៥០០០០ ៛(ដប់ប្រាំមឺុនរៀល) ទៅ១៨០០០០៛ (ដប់ប្រាំបីមឺុនរៀល) ហើយខ្លួនធ្លាប់បានប្រើប្រាស់ (ជក់)គ្រឿងញៀននេះ គឺមានរយះពេល ២ឆ្នាំរួចមកហើយ ។
បច្ចុប្បន្នសង្ស័យ រួមទាំងវត្ថុតាង ខាងលើត្រូវបាន បញ្ជូនខ្លួនមកកាន់ អធិការដ្ឋាននគរបាល ស្រុកស្អាងដើម្បីសុំនុំ រឿងបន្ដរទៅស្នងការ រដ្ឋាននគរបាលខេត្ត កណ្តាលដើម្បីចាត់បន្តរ ទៅតាមនីតិវីធីច្បាប់៕
