(ខេត្តបន្ទាយមានជ័យ)៖ លោកឧត្តមសេនីយ៍ ទោ អាត់ខែម ស្នងការនគរបាល ខេត្តបន្ទាយមានជ័យ បានប្រសាសន៍ថា នគរបាលណាដែល បានប្រឡងជាប់ក្រប ខ័ណ្ឌជានគរបាលជាតិ ហើយនោះត្រូវ ដាក់ខ្លួនបន្ទន់កាយ បំរើប្រជាពលរដ្ឋ ដោយឥតគឹតថ្លៃ នៅព្រឹក ថ្ងៃទី១៤ ខែកុម្ភះ ឆ្នាំ២០២០ នៅសាល ប្រជុំស្នងការនគរ បាលខេត្តដោយមាន ការចូលរួម កងកម្លាំងនគរបាលជាតិ នៃស្នងការដ្ឋាន នគរបាល ខេត្តបន្ទាយមានជ័យ ក្រោយពីនគរ បាលទាំងនេះ បានបញ្ចប់វគ្គសិក្សា និងមានឈ្មោះក្នុង ក្របខ័ណ្ឌជា កងកម្លាំង នគរបាលជាតិ ចំនួន៣ជំនាន់វគ្គ គឺ ជំនាន់វគ្គឆ្នាំ ២០១៧ ឆ្នាំ២០១៨ និងឆ្នាំ២០១៩ សរុបចំនួនជាង២៥០នាក់ មកពីតាមបណ្តា ការិយាល័យជំនាញ អធិការដ្ឋាននគរ បាលគ្រប់ស្រុក ក្រុង និងវរសេនាតូចនគរ បាលការពារព្រំ ដែនគោកទាំង៤ ។
លោកបានបញ្ជាក់ ឲ្យដឹងទៀតថានគរបាល ដែលប្រឡងជាប់ ក្របខ័ណ្ឌនគរបាល ជាតិហើយនោះមិន ត្រូវយកតួនាទី ភារកិច្ច របស់ខ្លួន ទៅធ្វើអ្វីដែលខុស ផ្ទុយពីកាតព្វកិច្ច របស់ខ្លួន ពីច្បាប់និងពីវិន័យ សេចក្តីថ្លៃថ្នូរ របស់កងកម្លាំង នគរបាលជាតិនោះឡើយ ។
លោក បានបញ្ជាក់ថាឲ្យ ដឹងទៀតថាប្អូនៗ ក្មួយៗ គឺជាទំពាំងស្នងប្ញស្សី ក្នុងជួរកងកម្លាំង នគរបាលជាតិនៃស្នងការ នគរបាលខេត្ត បន្ទាយមានជ័យ ដូច្នេះ ប្អូនត្រូវតែយក ចិត្តទុកដាក់ក្នុងការ បំរើប្រជាជន ការពារបូរណភាពទឹកដី ការពារសន្តិសុខ សណ្តាប់ធ្នាប់ជូន ប្រជាពលរដ្ឋនៅ ក្នុងមូលដ្ឋាន ។
ជាមួយគ្នានោះគឺ មិនត្រូវយកតួនាទី របស់ខ្លួនទៅប្រព្រឹត្ត នូវអំពើល្មើសច្បាប់ ដូចជាធ្វើកំណត់ហេតុឬ របាយការណ៍ បំភ្លៃការពិត ដោយឃុបឃិតជាមួយ ជនប្រព្រឹត្តល្មើស យកខ្មៅទៅជា សនោះឡើយ ដែលធ្វើឲ្យអ្នក គ្មានកំហុសទៅជា មានកំហុសនោះ គឺប្អូននិងក្មួយៗ នឹងមាន វិប្បដិសារីនៅពេលក្រោយ បន្ទាប់ពីដឹងថាខ្លួន បានក្បត់ពីឧត្តម គតិរបស់ខ្លួន ត្រង់ន័យនេះ ក្នុងនាមជា ថ្នាក់ដឹកនាំ ស្នងការដ្ឋាននគរបាលខេត្ត សូមហាមជាដាច់ខាត ។
លោកបានបញ្ជាក់ឲ្យ ដឹងទៀតថាធ្វើជានគរ បាលហើយកុំបំរើឲ្យ គ្រួសានិយម បក្សពួកនិយមត្រូវ បំពេញតួនាទី តាមវិជ្ជាជីវៈ របស់ខ្លួន ដើម្បីបំរើជាតិ និងប្រជាពលរដ្ឋ បំរើផលប្រយោជន៍រួម ផលប្រយោជន៍ជាតិ និងប្រជាពលរដ្ឋ ។
លោកស្នងការបាន ផ្តាំផ្ញើដល់ប្អូនៗទាំងអស់ ត្រូវខិតខំសិក្សារៀនសូត្រ ស្វែងយល់ពីច្បាប់ និងជំនាញផ្សេងៗ ដើម្បីជាគ្រឹៈ ក្នុងការអនុវត្តន៍ ការងារស្នូលរបស់ខ្លួន ឲ្យទទួលបានជោគជ័យ ពិសេសគឺត្រូវ គោរពនូវវិន័យ របស់កងកម្លាំងនគរ បាលជាតិ មានក្រមសីលធម៌ វិជ្ជាជីវៈនិងសេចក្តីថ្លៃថ្នូរ ជាកងកម្លាំងនគរបាលជាតិ បំរើប្រជាពលរដ្ឋ និងប្រជាទេសជាតិ គោរនូវរាល់បទ បញ្ជារបស់ថ្នាក់ដឹក នាំអង្គភាព ដែលបាន ប្រគល់ជូននិងរាយការណ៍ មកវិញនូវកិច្ចការទាំង ឡាយណាដែលអនុវត្ត បានជូនថ្នាក់លើ វិញនេះគឺជាក្រិត្យការ ងាររបស់កងកម្លាំង កម្លាំងប្រដាប់អាវុធ។
មិនត្រូវនៅពីក្រោយ ខ្នងជនល្មើស និងប្រើប្រាស់គ្រឿង ញៀនជាដាច់ខាត ដែលនាំឲ្យខូចអនាគត់ និងសេចក្តីថ្ងៃថ្នូររបស់ ខ្លួនក៏ដូចជាកងកម្លាំង នគរបាលជាតិ ត្រូវត្រៀមខ្លួជានិច្ច ដើម្បីជួយប្រជា ពលរដ្ឋ ដែលរងគ្រោះ ដោយប្រការ ផ្សេងៗផងដែរ៕
