បើករថយន្តលឿន ដូចហោះជ្រុលចង្កូត ទៅបុកនិងម៉ូតូជិះ ច្រាសទិសគ្នាបណ្តាល ឲ្យអ្នកបើកម៉ូតូ ស្លាប់នៅកន្លែង

(ខេត្តបន្ទាយមានជ័យ)៖ បុរសមិនស្គាល់អត្តសញ្ញាណ ម្នាក់បើករថយន្តលឿន ដូចហោះជ្រុលចង្កូត ទៅបុកនិងម៉ូតូជិះ ច្រាសទិសគ្នាបណ្តាល ឲ្យអ្នកបើកម៉ូតូ ស្លាប់នៅកន្លែង ចំណែករថយន្តក្រឡាប់ ចូលស្នាមភ្លោះ នៅវេលាម៉ោង ៤ល្ងាច ថ្ងៃទី៨ ខែមិនា ឆ្នាំ២០២០ ក្នុងចំណុចលើស្ពាន បែកចានចាស់ ស្ថិត ក្នុងភូមិបែក ចានចាស់ ឃុំស្វាយចេក ស្រុកស្វាយចេក ខេត្តបន្ទាយមានជ័យ។

សមត្ថកិច្ចមូលដ្ឋាន បានប្រាប់ឲ្យដឹងថានៅ មុនពេលកើតហេតុនោះ មានម៉ូតូ១គ្រឿងម៉ាក ហុងដាទ្រីម125 ពាក់ផ្លាកលេខ 1V.8782 បន្ទាយមានជ័យ បើកពីលិចទៅកើត លុះបើកមកដល់ចំណុច កើតហេតុស្រាប់ តែមានរថយន្ត ១គ្រឿងម៉ាក អ៊ីស៊ុយស៊ុយ ពណ៌ខ្មៅ មួយបាំងកន្លះ ពាក់ស្លាកលេខ 2A. 0971កំពង់ស្ពឺ បើកល្បឿនដូចហោះ បញ្ច្រាស់ទិសគ្នាលុះ បើកមកដល់ចំណុច កើតហេតុដែរស្រាប់រេ ចង្កូនទៅបុកនិង អ្នកបើកម៉ូតូពេញ ទំហឹងបណ្តាលឲ្យ អ្នកជិះម៉ូតូបាក់ ក ស្លាប់ភ្លាមនៅលើស្ពាន រថយន្តក្រឡាប់ ចូលស្នាមភ្លោះក្រោយ ពីកើតហេតុហើយអ្នក បើករថយន្តចុះគេចខ្លួនបាត់។

សមត្ថកិច្ចបានបញ្ជាក់ ឲ្យដឹងទៀតថារថយន្ត និងម៉ូតូ ខូចខាតធ្ងន់ ចំណែកសព សមត្ថកិច្ចបានប្រគល់ ទៅឲ្យក្រុមគ្រួសារ យកទៅធ្វើបុណ្យ តាមប្រពៃណី រឺឯអ្នកបើករថយន្ត សមត្ថកិច្ចតាមស្វែង រកយកមកផ្តន្ទាទោស ទៅតាមច្បាប់៕