(ខេត្តបន្ទាយមានជ័យ)៖ យុវជនម្នាក់ចិត្តខ្លាំង បើកម៉ូតូលឿនដូចហោះ ឡើងជែងនិងរថយន្តធំមិនផុត ទៅបុកនិងម៉ូតូ១គ្រឿង ទៀតដួលខ្ទាតមនុស្ស ចូលរថយន្តបណ្តាលឲ្យ កិនស្លាប់ភ្លាមមួយរំពេច នៅវេលាម៉ោង ៩និង១០នាទី យប់ថ្ងៃទី១៤ខែមីនា ឆ្នាំ២០២០ នៅលើកំណាត់ ផ្លូវជាតិលេខ៥៦អា ត្រង់ចំណុចមុខ ហាងហ្គ្រេនម៉ាត ស្ថិតនៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ ជនរងគ្រោះ ដែលស្លាប់ មិនទាន់ត្រូវបាន គេស្គាល់ឈ្មោះនិងអាស័យ ដ្ឋាននោះទេ។
លោកវរសេនីយ៍ទោ សួន នីប៉ូនាយរងការិយាល័យ នគរបាលចរាចរណ៍ ផ្លូវគោកបានឲ្យដឹងថា បើតាមការឲ្យដឹងពី ប្រជាពលរដ្ឋនៅកន្លែង កើតហេតុបានប្រាប់ សមត្ថកិច្ចឲ្យដឹងថា មុនពេលកើតហេតុ នោះជនរងគ្រោះបាន បើកម៉ូតូម៉ាងហុងដាសេរី ចាស់ក្នុងទិសដៅ ពីត្បូងទៅជើង យ៉ាងលឿន ពេលបើកមក ដល់ចំណុចកើតហេតុ ត្រង់ចំណុចមុខ ហាង ហ្គ្រេនម៉ាតបានឡើង វ៉ាជែងរថយន្តធំផ្ទុក ទំនិញធុនធ្ងន់ ម៉ាកហ៊ីយុន ដាយបើកមិនផុតបាន ជ្រុលចង្កូតទៅបុកម៉ូតូ ១គ្រឿងទៀតម៉ាក ហុងដាឌ្រីម បើកក្នុងទិសដៅផ្ទុយគ្នា ពីជើងទៅត្បូង បណ្តាលឲ្យម៉ូតូដួលខ្ទាត មនុស្សទៅលើទ្រូងថ្នល់ ត្រូវរថយន្តកិនចំពីលើ ក្បាលស្លាប់មួយរំពេច ក្រោយពីកើតហេតុ ហើយអ្នកបើករថយន្ត បានរត់គេចខ្លួនបាត់ ។
លោកបានបញ្ជាក់ថា មូលហេតុបង្កឲ្យគ្រោះ ថ្នាក់នេះមកពីអ្នកបើកម៉ូតូម៉ាក ហុងដាសេរីចាស់ បើកឡើងវ៉ាជែងក្នុង ស្ថានភាពគ្រោះថ្នាក់។
សពជនរងគ្រោះត្រូវបាន កម្លាំងនគរបាលជំនាញ ចរាចរណ៍ខេត្តយក ទៅរក្សាទុកនៅវត្ត ចមសុទ្ធាវាសហៅ វត្តស្វាយចាស់ ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ វត្ថុតាងម៉ូតូខូចខាត ២គ្រឿង ខូចធ្ងន់១គ្រឿង ស្រាល១គ្រឿងនិងរថយន្ត ស្រាលយកមករក្សា ទុកនៅការិយាល័យ នគរបាលចរាចរណ៍ រងចាំធ្វើការដោះ ស្រាយតាមច្បាប់៕
