(ខេត្តបន្ទាយមានជ័យ)៖ ស្ងាត់ៗមានចោរ១ក្រុម មានគ្នា៣នាក់ចេញធ្វើ សកម្មភាពលួចម៉ូតូកង់ ៣នៅក្រុងប៉ោយប៉ែត ត្រូវបាននគរបាលឃាត់ ខ្លួននៅល្ងាចថ្ងៃទី២១ ខែមិនាឆ្នាំ២០២០ ។
បើតាមនគរបាល ក្រុងប៉ោយប៉ែតបាន ប្រាប់ឲ្យដឹងថាសកម្មភាព ចោរទាំង៣នោះចេញ លួចនោះដាច់ ដោយឡែកពីគ្នាករណីទី ១ចោរឈ្មោះ ខាំ សុង ភេទប្រុស អាយុ៣៧ឆ្នាំ ទីលំនៅមិនពិត ប្រាកដជាអ្នក ដើររើសអេតចាយ បានធ្វើសកម្មភាព លួចម៉ូតូកង់បី របស់ឈ្មោះក្រត ជាតិ ភេទប្រុសអាយុ ២៧ឆ្នាំ នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ក្រោយពីបាត់ម៉ូតូ ជនរងគ្រោះបានប្តឹងមក សមត្ថកិច្ចតាម ស្រាជ្រាវចាប់ បានជនសង្ស័យ។
ករណីទី២ចោរ២នាក់ ១មានឈ្មោះថង ចាន់ធី ភេទប្រុសអាយុ៣២ ឆ្នាំនិងម្នាក់ទៀត ឈ្មោះធី រ៉ា ភេទប្រុសអាយុ២៥ឆ្នាំ ទាំង២នាក់ នៅភូមិទំនប់ ក៥ សង្កាត់ប៉ោយប៉ែត ក្រុងប៉ោយប៉ែត បានជិះម៉ូតូ១គ្រឿង ម៉ាកសេរីចាស់ ចេញធ្វើសកម្មភាពលួច ត្រូវបានកម្លាំងនគរ បាលវរសេនាតូចការ ពារព្រំដែនគោកលេខ ៩១១ សហការណ៍ជាមួយកម្លាំង នគរបាលប៉ុស្តិ៍រដ្ឋបាល សង្កាត់ប៉ោយប៉ែត ល្បាតតាមខ្សែ បន្ទាត់ព្រំដែននៅ ពេលយប់បានប្រទះ ឃើញឃាត់ខ្លួនជន សង្ស័យទាំង២នាក់ ក្នុងនោះមានកូន សោសម្រាប់ដោះខ្ចៅមួយចំនួន និងឧបករណ៍ សម្រាប់ជក់គ្រឿង ញៀន១កំប្លេ។
សមត្ថកិច្ចបានបញ្ជាក់ ឲ្យដឹងទៀតថា ចំពោះម៉ូតូកង់បីត្រូវ បានប្រគល់ជូន ម្ចាស់ដើមវិញ ដោយឡែកម៉ូតូទីណាសេរីចាស់ នោះត្រូវបាននាំមក យកមទាំងមនុស្ស និងវត្ថុតាងមកកាន់ស្នង ការដ្ឋាននគរបាល ខេត្តដើម្បីចាត់ការ តាមផ្លូវច្បាប់ ។
នគរបាលបានបញ្ជាក់ ឲ្យដឹងទៀតថាចោរ ទាំង៣នាក់ គឺជាមនុស្សប្រើ ប្រាស់គ្រឿងញៀន និង ជាក្រុមចោរលួចយ៉ាង សកម្មនៅក្រុងប៉ោយប៉ែត៕
