(ខេត្តកំពត)៖ បុរសម្នាក់ត្រូវរថយន្ត មិនស្គាល់ម៉ាកបុកស្លាប់ យ៉ាងអណោចអធ័ម ស្ថិតនៅលើដង ផ្លូវជាតិលេខ៣៣ នាវេលាម៉ោងប្រមាណ ទៀប៥ភ្លឺ ថ្ងៃទី២៣ ខែមីនា ឆ្នាំ២០២០ ត្រង់ចំណុចមុខរោង ចក្រពូចិន ស្ថិតក្នុងភូមិក ណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
ទាក់ទិននឹងករណីគ្រោះ ថ្នាក់ចរាចរណ៍បណ្តាលឱ្យ បុរសម្នាក់ស្លាប់នេះ ប៉ូលិសចរាចរណ៍ ស្រុកកំពង់ត្រាចបានឱ្យដឹងថា ហេតុការណ៍ កើតឡើងនេះ គ្មានអ្នកណាម្នាក់បាន ឃើញផ្ទាល់ភ្នែកទេ ប៉ុន្តែបើតាម សំដីសាក្សីជាច្រើន បានអះអាងថា មុនពេលកើតហេតុ ម៉ោងប្រហែល៥ទៀបភ្លឺគេ ឃើញបុរសរងគ្រោះ បានធ្វើដំណើរដោយថ្មើ ជើងម្នាក់ឯងក្នុងទិស ដៅពីលិចទៅកើត ស្រាប់តែមកដល់ ចំណុចកើតហេតុក៏ មានរថយន្តខ្នាតធំមួយ គ្រឿងបើកបរក្នុងទិស ដៅស្របគ្នា ហើយគេចមិនផុតក៏ ជ្រុលទៅបុកជនរង គ្រោះយ៉ាងពេញទំហឹង បណ្តាលឱ្យស្លាប់ភ្នាមៗតែម្តង។
ប្រភពខាងលើបាន បញ្ជាក់ទៀតថា ជនរងគ្រោះមានឈ្មោះ ជឹម ជីវ័ន ភេទប្រុស អាយុ២៩ឆ្នាំ មានទីលំនៅបណ្តោះ អាសន្នក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្តកែប។
បច្ចុប្បន្នសពត្រូវក្រុម គ្រួសារមកទទួលយកសព ទៅកាន់លំនៅដ្ឋាន ដើម្បីរៀបចំធ្វើ បុណ្យតាមប្រពៃណី៕
