(ខេត្តបន្ទាយមានជ័យ)៖រថយន្ត៤គ្រឿងនិង កម្លាំងអាវុធហត្ថ ចំនួន៣០នាក់បាន ជួយដឹកជញ្ជូនពលរដ្ឋ ដែលវិលត្រឡប់មក ពីប្រទេសថៃទៅស្រុក កំណើតវិញដោយសុវត្តិភាព ដឹកនាំដោយលោកឧត្តម សេនីយ៍ត្រីបោនប៊ិន មេបញ្ជាការកងរាជ អាវុធហត្ថខេត្តបន្ទាយមានជ័យ និងមេបញ្ជាកា រងនៅព្រឹក ថ្ងៃទី២៣ ខែមិនា ឆ្នាំ២០២០ នៅចំណុចច្រកទ្វារ អន្តរជាតិប៉ោយប៉ែត។
លោកបោនប៊ិនបាន ប្រាប់អ្នកយកព័ត៍មាន ឲ្យដឹងថាការជួយដឹក ជញ្ជូនពលរដ្ឋដែលវិល ត្រឡប់មកពី ប្រទេសថៃទៅ ស្រុកកំណើតវិញ ដោយសុវត្តិភាពនោះ ដោយគោរពតាមបទ បញ្ជារបស់លោកនាយ ឧត្តមសេនីយ៍ សៅ សុខា អគ្គបញ្ជាការរង នៃកងយោធពល ខេមរភូមិន្ទ មេបញ្ជាការកងរាជ អាវុធហត្ថ លើផ្ទៃប្រទេស បានដាក់ចេញនូវ បទបញ្ជាដល់កំលាំង អាវុធហត្ថខេត្ត បន្ទាយមានជ័យ យករថយន្តរបស់អង្គ ភាពអាវុធមានទាំង ប៉ុន្មានយកទៅដឹក ពលរដ្ឋដែលបុក មកពីប្រទេសថៃរាប់ ពាន់នាក់កក កុញនៅច្រក ទ្វារអន្តរជាតិប៉ោយប៉ែត យកទៅស្រុកកំណើត វិញដោយសុវត្តិភាព ដែលអាចធ្វើទៅបាន។
លោកឧត្តមសេនីយ៍ត្រី បោន ប៊ិនបានបញ្ជាក់ ឲ្យដឹងទៀតថានៅយប់ ថ្ងៃទី២៣ ខែមិនា ឆ្នាំ២០២០នោះ មានពលករ ខ្មែរចំនួន៥.០០០នាក់ ត្រូវបានភាគីថៃអនុញ្ញាត ឲ្យធ្វើដំណើរមក ស្រុកកំណើតវិញ ដើម្បីបញ្ចៀស ការឆ្លងរីករាល ដាលនៃជំងឺកូវីដ១៩ ក្នុងនោះពួក ពលករទាំង ៥.០០០ នេះអាជ្ញាធរកម្ពុជា តម្រូវឲ្យទៅ នៅមណ្ឌល សំចតមួយរយៈដើម្បី ត្រួតពិនិត្យសុខភាព បើរកឃើញលើ បុគ្គលណាមួយ សង្ស័យថាមាន ផ្ទុកមេរោគ គឺគេទុកឲ្យ ពួកគាត់នៅទីនោះ រយៈពេល១៤ថ្ងៃដើម្បីព្យា បាលបើរកអត់ ឃើញសង្ស័យថា មានមេរោគនោះទេ ពួកគាត់ នឹងត្រូវអនុញ្ញាតឲ្យ ទៅតាមលំនៅ ឋានរៀងៗខ្លួនវិញ ក្រោមការតាម ដានពីអាជ្ញាធរមូល ដ្ឋានបន្តទៀត។
លោកបានបញ្ជាក់ ឲ្យដឹងទៀតថាកន្លែង សំចតមានចំនួន ២កន្លែង ទី១ នៅភូមិដីថ្មី ស្ថិតក្នុងសង្កាត់ប៉ោយប៉ែត ទី២ ស្ថិតក្នុងចំណតរ៉ារថភ្លើង ហើយពេលនេះពលករ ទាំងអស់ស្ថិតក្រោម ការយកចិត្តទុកពី អាជ្ញាធរ កម្ពុជាយ៉ាងខ្លាំង។
ប្រជាពលរដ្ឋខ្មែរដែល វិលមកស្រុកកំណើត វិញនោះភាគច្រើន នៅតាមព្រំដែនកម្ពុជាថៃ ជាពិសេសនៅ ខេត្តស្រះកែវប្រទេសថៃ ដើម្បីឲ្យវិលត្រឡប់ មកស្រុកកំណើតវិញ ដោយខានមិនបាន ដែលចំនួនប្រជា ពលរដ្ឋដែល វិលត្រឡប់ទៅស្រុក កំណើតវិញនោះ គឺមានចំនួនជាង៥ ពាន់នាក់ឯណោះ ហើយការធ្វើ ដំណើរគឺចាប់ពី ព្រឹកម៉ោង៧ រហូតដល់ម៉ោង ១២យប់ឯណោះ ទើបមានការបិទ ច្រកទ្វារតែម្ដង។
ក្នុងនោះលោក អ៊ុំរាត្រី លោកអភិបាលខេត្ត បន្ទាយមានជ័យបានមាន ប្រសាសន៍ថា ពលរដ្ឋខ្មែរ ដែល ដែលមកពីប្រទេស ថៃនោះអាជ្ញាធរខេត្ត បានប្រមូលពួកគាត់ ឲ្យនៅក្នុងមណ្ឌល សំចតមួយរយៈដើម្បី រង់ចាំត្រួតពិនិត្យ សុខភាពពីសំណាក់ លោកគ្រូពេទ្យសិនមិន ឲ្យធ្វើដំណើរ ផ្ដេសផ្ដាសនោះឡើយ ព្រោះ ខ្លាចពួកគាត់ផ្ទុក នូវមេរោគកូវីដ១៩ យកទៅចម្លង ដល់ក្រុមគ្រួសារ ដែលនៅឯស្រុក កំណើតរបស់ខ្លួន។
ដូច្នេះត្រូវតែដាក់ពួក គាត់នៅដោយឡែក មួយរយៈ រង់ចាំឲ្យគ្រូពេទ្យ ពិនិត្យសុខភាពរបស់ ពួកគាត់បើ សិនជាជនណា សង្ស័យមានផ្ទុក មេរោគ កូវីដ១៩ គឺគេនឹងយក ទៅព្យាបាលទៅតាមនី តិវិធីរបស់ពេទ្យ ហើយបើសិន ជាជនណា អត់មានផ្ទុកនូវ មេរោគនេះ នោះទេ នឹងគេឲ្យត្រឡប់ទៅ ស្រុកកំណើតវិញនា ពេលដ៏ខ្លីខាង មុខនេះផងដែរ៕
