(ខេត្តបន្ទាយមានជ័យ)៖ ជនសង្ស័យ២នាក់ធ្លាប់ ដេកគុក៤ឆ្នាំមកហើយ ចេញមកវិញមិនរាង ស្រាប់បន្តយក គ្រឿងញៀនទៅលក់ ត្រូវបានកម្លាំងនគរបាល ការិយាល័យប្រឆាំង គ្រឿងញៀន សហការជាមួយ កម្លាំងនគរបាល ក្រុងសិរីសោភ័ណ ស្រាវជ្រាវឃាត់ខ្លួន រួមទាំងវត្ថុតាងថ្នាំ ញៀនមួយចំនួនធំ។
លោកវរសេនីយ៍ទោ ង៉េងសុជា ស្នងការរង ទទួលការងារ ប្រឆាំងបទល្មើស គ្រឿងញៀនបានឲ្យ ដឹងថានៅវេលាម៉ោង ៥ល្ងាចថ្ងៃទី៥ ខែមេសាឆ្នាំ២០២០ កម្លាំងនគរបាល ការិយាល័យជំនាញ ប្រឆាំងគ្រឿង ញៀននិងកម្លាំង នគរបាលអធិការដ្ឋាន នគរបាលក្រុងសិរីសោភ័ណ សការណ៍គ្នាចុះឃាត់ខ្លួនជន សង្ស័យបាន១នាក់ កំពុងធ្វើសកម្មភាពលក់ គ្រឿងញៀននៅផ្ទះ មានឈ្មោះ នី សិឡា ភេទប្រុអាយុ អាយុ២៩ឆ្នាំ នៅភូមិព្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ដកហូតវត្ថុតាង ថ្នាំញៀន ម្សៅក្រាមពណ៌ សថ្លាចំនួន៣ថង់ ដបកែច្នៃ សម្រាប់ជក់១ សំបកថង់មួយចំនួន បំពង់ប៊ឺតមួយ ចំនួននិងទូរស័ព្ទ ដៃចំនួន២គ្រឿង។
លោកបានបន្តទៀតថា ក្រោយពីចាប់ឃាត់ ខ្លួនឈ្មោះ នីសិឡាធ្វើការសាក សួរចម្លើយកម្លាំង នគរបាល បានបន្តទៅចាប់ឃាត់ ខ្លួនឈ្មោះលីទីណា ភេទប្រុសអាយុ២៩ឆ្នាំ មានទីនៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ត្រង់ចំណុចភូមិប្រហូត សង្កាត់អូរអំបិល ក្រុងសិរីសោភ័ណ ដកហូតថ្នាំញៀន ម្សៅក្រាមពណ៌សថ្លា ចំនួន៧ថង់ ទូរស័ព្ធចំនួន២ គ្រឿងនិងរថយន្ត១គ្រឿង។
សរុបចំនួន១០ថង់ ដបកែច្នៃ សម្រាប់ជក់១ គម្រដបកែច្នៃ សម្រាប់ជក់១ បំពង់ទាម៉ូម៉ែត្រ១ សំបកទាម៉ូ ម៉ែត្រ២ ដែកកេះ១ សំបកសម្រាប់វិច ខ្ចប់មួយចំនួន បំពង់ប៊ឺតមួយចំនួន ទូរស័ព្ទដៃ៤គ្រឿង និងរថយន្ត១គ្រឿង ។
លោកបានបន្តឲ្យ ដឹងទៀតថាជនសង្ស័យទាំ ង២នាក់នេះជាមុខ សញ្ញាជួញដូរគ្រឿងញៀន ចាស់ធ្លាប់ជាប់ពន្ធនា គារម្នាក់ៗចំនួន៤ឆ្នាំ ពីបទជួញដូរគ្រឿង ចេញមកវិញ បានជិត១ឆ្នាំ តែមិនរាងចាលបន្ត ប្រព្រឹត្តបទល្មើស ជួញដូរគ្រឿង ញៀនដដែល។
លោកបានបញ្ជាក់ ឲ្យដឹងទៀតថាជន សង្ស័យរួមទាំងវត្ថុតាង ត្រូវបានកម្លាំង នគរបាលជំនាញ ការិយាល័យ ប្រឆាំងគ្រឿងញៀន បានរៀបចំ សំណុំរឿងបញ្ជូន ទៅសាលាដំបូងខេត្ត ដើម្បីចាត់ការ តាមនិតិវិធីច្បាប់៕
