(ភ្នំពេញ)៖ ជនសង្ស័យ២នាក់ បាននគរបាល ខណ្ឌទួលគោក ដេញតាមឃាត់ខ្លួនម្នាក់ រីឯម្នាក់ទៀត រត់គេចខ្លួន បាត់ស្រមោល បន្ទាប់ពីធ្វើសកម្មភាព ឆក់កាបូបពីស្ត្រីម្នាក់ បានសម្រេចរួច ជិះរត់គេចខ្លួន។
ហេតុការណ៍ នេះកើតឡើង កាលពីវេលាម៉ោង ១៥និង១០នាទី ថ្ងៃទី១១ មេសា ២០២០ ចំណុចមុខផ្ទះលេខA-៤ ផ្លូវលេខ២៥៧ ក្រុមទី១៧ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
សមត្ថកិច្ចបានប្រាប់ ជនសង្ស័យឈ្មោះ ហួន សេង ហៅ សេង ភេទប្រុស អាយុ១៥ឆ្នាំ ជនជាតិខ្មែរ មុខរបរ សិស្សបឋមសិក្សា បឹងសាឡាង ស្នាក់នៅផ្ទះជួល ផ្លូវបេតុង សង្កាត់ បឹងសាឡាង ខណ្ឌទួលគោក រាជធានីភ្នំពេញ។
មធ្យោបាយធ្វើ សកម្មភាព ម៉ូតូមួយគ្រឿងម៉ាក Suzuki Nex ពណ៌ស លាយលឿង ពាក់ស្លាក លេខ ភ្នំពេញ 1HX-9041 ដែលមានលេខតួនិលេខ ម៉ាស៊ីន: 353953 (ជាម៉ូតូរបស់ជនសង្ស័យឈ្មោះ ហួន សេង ហៅ សេងនិងបក្សពួកជិះឆក់) ។
សមត្ថកិច្ចយើងបាន យក ទឹកនោម ជនសង្ស័យឈ្មោះ ហួន សេង ហៅ សេង យកមកធ្វើតេស្តិ៍ស្វែងរកសារធាតុញៀនក្នុងទឹក នោមដោយជាលទ្ធផលបង្ហាញពីភាព អវិជ្ជមាន (គ្មានធាតុញៀន) ៕
