(ភ្នំពេញ)៖ បុរសម្នាក់ស្រវឹងស្រា ដកកាំភ្លើងខ្លីភ្ជង់ ជនជាតិចិននិងអ្នកដ៏ទៃ ទៀតបង្ករអោយមាន ការភ្ញាក់ផ្អើលត្រូវ បានសមត្ថឃាត់ខ្លួនទើបដឹងថាកាំភ្លើងនោះជាកាំភ្លើងជ័រ ហេតុការណ៍នេះ បង្កឱ្យមានការភ្ញាក់ ផ្អើលកាលពី វេលាម៉ោង ៨និង ១០នាទីយប់ នៅថ្ងៃ ទី ១១ ខែមេសា ឆ្នាំ ២០២០ ត្រង់ចំណុចផ្លូវបេតុងជាប់របងមន្ទីរពេទ្យរ៉ូយ៉ាល់ភ្នំពេញ នៅក្នុងភូមិសេ ប៉េ សេ សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រភពពីកន្លែងកើត ហេតុបានឲ្យដឹងថា ដំបូងឡើងគេឃើញ បុរសម្នាក់ស្រវឹង ស្រាជិះម៉ូតូម៉ាកឌ្រីមសង់ ស៊េរីឆ្នាំ២០០៩ ពណ៌ខ្មៅ ពាក់ស្លាកលេខ ភ្នំពេញ1AF.3678ជិះតាមបណ្តោយផ្លូវ បេតុងទឹសដៅពីជើងទៅត្បូង មកឈប់ ចំណុចកើត ហេតុខាងលើ ហើយក៏បានដក កាំភ្លើងពីចង្កេះភ្ជង់ ជនជាតិចិនម្នាក់ធ្វើ ឲ្យជនជាតិចិន ម្នាក់នោះភ័យរត់ ចេញពីកន្លែងកើតហេតុ ខណ:ពេលនោះ ស្រាប់តែមាន យុវជនម្នាក់ជា ជនរងគ្រោះបានជិះ ម៉ូតូមកដល់កន្លែង កើតហេតុរៀបនឹង បត់ចូលផ្ទះទៅហើយ ក៏ត្រូវបានជនបង្ក ភ្ជង់និងគំរាមបាញ់ ធ្វើឲ្យគាត់ភ័យ រាកនោមដាក់ខោ បង្កឱ្យមានការភ្ញាក់ ផ្អើលដល់សមត្ថកិច្ច ចុះមកអន្តរាគមន៍ ចាប់ឃាត់ខ្លួនជន បង្កនោះទើបដឹង ថាជាកាំភ្លើងជ័រទៅវិញ។
ដោយឡែក ជនរងគ្រោះនិង ជនបង្កមិនត្រូវបាន ស្គាល់អត្ត សញ្ញាណនោះទេ។
ក្រោយពីកើតហេតុ សមត្ថកិច្ចក៏បាននាំ ខ្លួនជនបង្កនិងជនរង គ្រោះទៅដាក់ពាក្យ បណ្ដឹងនៅប៉ុស្តិ៍ នគរបាលរដ្ឋបាល ទឹកថ្លាដើម្បីសួរនាំនិង ធ្វើកំណត់ហេតុ បញ្ជូនបន្តទៅអធិការដ្ឋាន ខណ្ឌសែនសុខចាត់ ការណ៏ទៅតាមនីតិវិធី ៕
