(ខេត្តសៀមរាប)៖ ករណីគ្រោះថ្នាក់ ចរាចរណ៍មួយ កើតឡើងរវាងម៉ូតូ មួយគ្រឿងបើកបុក និងគោយន្តកន្ត្រៃ បណ្តាលអោយ មនុស្ស២នាក់ បានស្លាប់ភ្លាមៗនៅ នឹងកន្លែងនិម្នាក់ទៀត បានរងបួសធ្ងន់ ហេតុការដ៍រន្ឋត់ នេះបានកើតឡើង កាលពីវេលាម៉ោង ៥និង៣០នាទីល្ងាច ថ្ងៃទី១០ ខែមេសា ឆ្នាំ២០២០ នៅលើផ្លូវ បេតុងចំណុច មុខវត្តប្រាសាទ ច័ន្ទគីរី ស្ថិតក្នុងភូមិ គោកចាន់ ឃុំល្វាក្រាំង ស្រុកវ៉ារិន ខេត្តសៀមរាប ។
ប្រភពពីសមត្ថកិច្ច បានករណីគ្រោះ ថ្នាក់ចរាចរណ៍ ខាងលើនេះ កើតឡើងរវាង ម៉ូតូមួយគ្រឿង ម៉ាក ហុងដាឌ្រីម ស៊េរីឆ្នាំ២០២០ ពាក់ផស្លាក លេខសៀមរាប 1AH 6982 ពណ៌ខ្មៅ អ្នកបើកឈ្មោះ ទីង តូឡូ ភេទប្រុស នៅភូមិស្រែសមុទ្រ ឃុំស្រែណូយ ស្រុកវ៉ារិន ខេត្តសៀមរាប បានស្លាប់ភ្លាមៗនៅ និងកន្លែងនិង អ្នករួមដំណើរ ២នាក់ទី ១ឈ្មោះ សឿយ សាល ភេទប្រុស នៅភូមិឃុំដូចគ្នា បានស្លាប់ភ្លាប់ និងកន្លែងនិងទី២ឈ្មោះ សិក លោត ភេទប្រុស អាយុ ១៨ឆ្នាំ នៅភូមិឃុំដូចគ្នា បានរបួសបាក់ជើងខាងឆ្វេង។
ចំណែកភាគីខាង គោយន្តកន្ត្រៃម៉ាក គូប៉ូតា អ្នកបើកបរឈ្មោះ ឡាយ និមល ភេទប្រុស អាយុ ២៤ឆ្នាំ នៅភូមិគោកកណ្តាល ឃុំល្វាក្រាំង ស្រុកវ៉ារិន ខេត្តសៀមរាប ក្រោយពីកើត ហេតុភ្លាមៗបានរត់ គេចពីកន្លែងកើត ហេតុបាត់និង អ្នករួមដំណើរ ជាមួយឈ្មោះ ឡេង សាឡូន ជាប្រពន្ធអ្នក បើកគោយន្ត នៅភូមិឃុំដូចគ្នា (គ្មានរបួស)។
ក្រោយពីកើតហេតុ កម្លាំងផ្នែកជំនាញ ចុះវាស់វែងនិង ដកហូតវត្ថុតាង យកមករក្សាទុក នៅប៉ុស្តិ៍ល្វាក្រាំង និងរៀបចំសំណុំ រឿងបញ្ជូនទៅ ការិយាល័យជំនាញ ដើម្បីបន្តនីតិវិធី ចំពោះសព ក្រោយពីបាន ពិនិត្យរួចរាល់ហើយ ក៏ប្រគល់ឲ្យទៅក្រុម គ្រួសារដើម្បីយកទៅ ធ្វើបុណ្យតាមប្រពៃណី ៕
