(ខេត្តបន្ទាយមានជ័យ)៖ លោក រស់ សារុំ ប្រធានមន្ទីរការងារារ និងបណ្ដណ្ដុះ បណ្ដាលវិជ្ជាជីវៈខេត្ត បន្ទាយមានជ័យ បានប្រាប់ឲ្យដឹង ថានៅព្រឹក ថ្ងៃទី ១៥ មេសា ឆ្នាំ ២០២០ លោក ខេង ស៊ុំ ប្រធាន ក្រុមប្រឹក្សាខេត្ត លោកអ៊ុំរាត្រី អភិបាលខេត្ត បន្ទាយមានជ័យ អមដំណើរជាមួយ លោកហ៊ឹលរ៉ាយ៉ា អភិបាលក្រុង សិរីសោភ័ណ មេបញ្ជាការកង រាជអាវុធហត្ថក្រុង លោកអធិការក្រុង និងមន្ត្រីពាក់ព័ន្ធជា ច្រើននាក់បាន ចុះពិនិត្យខ្សែសង្វាក់ ផលិតកម្មរបម្ម របស់រោងចក្រកម្មករ កម្មការិនី ជាង៣.០០០នាក់ ក្នុង៣រោងចក្រ ស្ថិតក្នុងភូមិដីឡូតិ៍ សង្កាត់កំពុងស្វាយ ក្រុងសិរីសោភ័ណ ខេត្តបន្ទាយមានជ័យ បានមកធ្វើការងារ ជាធម្មតា នាថ្ងៃបុណ្យចូល ឆ្នាំថ្មីប្រពៃណីជាតិ ដោយអនុវត្តតាម សេចក្ដីណែនាំរបស់ រាជរដ្ឋាភិបាល ក្នុងយុទ្ធនា ការទប់ស្កាត់ នៃការរីករាល ដាលជំងឺកូវីដ-១៩។
ក្នុងការពិនិត្យ កម្មកររោងចក្រនោះ លោកអ៊ុំរាត្រីបាន កោតសរសើរចំពោះ ដំណើរខ្សែសង្វាក់ ផលលិតផល ផលិតកម្មរបស់ រោងចក្រទាំង៣ដែល បានបន្តនិរន្តរភាពក្នុង ការងារក្នុងរោង ចក្ររបស់ខ្លួនជាប្រចាំ ទោះបីស្ថានភាព បច្ចុប្បន្ននៅលើ សកលលោកទទួលរង នូវវិបត្តិជាសកល ដែលបង្កឡើងដោយ មេរោគកូវីដ-១៩ នេះយ៉ាងណាក៏ដោយ។
លោកបានបន្តកោត សរសើរចំពោះទឹក ចិត្តរបស់កម្មករ កម្មការិនី ដែលបានមក បំពេញការងារជា ធម្មតានៅក្នុងរោងចក្រ តាមការណែនាំ របស់រាជរដ្ឋាភិបាល ដើម្បីថែសុខភាព និងចូលរួមទប់ ស្កាត់ជំងឺកូវីដ-១៩ ទោះបីយើងមិន បានឈប់សម្រាក ក្នុងថ្ងៃបុណ្យចូលឆ្នាំ ប៉ុន្តែក្រុមគ្រួសារ ក៏យើងអាចរៀបចំ ទទួលទេវតា តាមផ្ទះរៀងៗខ្លួនដូច រៀងរាល់ឆ្នាំផងដែរ។
លោក ខេង ស៊ុំ ក៏បានផ្ដាំផ្ញើ ដល់កម្មករ កម្មការិនីទាំងអស់ ត្រូវចូលរួមថែទាំ សុខភាពឲ្យបានល្អ ព្រោះថា ជំងឺឆ្លងថ្មីនេះ វាមានសភាព សាហាវណាស់ តែអាចការពារបាន ដោយអនុវត្តជាប្រចាំ គឺរស់នៅស្អាត ហូបស្អាត ផឹកស្អាត និងអនុវត្តតាមវិធាន ការណែនាំរបស់ ក្រសួងសុខាភិបាល គឺមិនត្រូវជួបជុំគ្នាច្រើន ត្រូវលាងសំអាត ដៃនឹងសាប៊ូ ឬអាល់កុល ឲ្យបានញឹកញាប់ បើធ្វើដូចនេះបាន យើងទាំងអស់គ្នា និងក្រុមគ្រួសារ នឹងមិនអាចឆ្លង ជំងឺកូវីតនេះបានឡើយ៕
