(ភ្នំពេញ)៖ មួយគ្រួសារមានប្ដី ប្រពន្ធនិងកូនស្រី បានរងរបួស បន្ទាប់ពីបានបើក ម៉ូតូកង់បីមួយគ្រឿង ចេញពីលក់ដូរនៅ ផ្សារកាប់គោបំណង ត្រឡប់ទៅផ្ទះវិញ ត្រូវរថយយន្តស៊េរី ទំនើបមួយគ្រឿង បើកបរដោយជនជាតិ ចិនម្នាក់ មកបុកពីក្រោយ ពេញទំហឹងបណ្ដាល ឲ្យក្រឡាប់ និងរាយប៉ាយរបស់ របបពេញផ្លូវ រួចព្យាយាមបើករត់ តែត្រូវសមត្ថកិច្ច ខណ្ឌមានជ័យដេញ ឃាត់បានទាំងរថយន្ត និងតៃកុង បានមកវិញ។
ហេតុការណ៍នេះបង្ក ឲ្យមានការភ្ញាក់ ផ្អើលនេះកើតឡើង កាលពីវេលាម៉ោង ១២ និង១០នាទីរំលង អាធ្រាត្រ ឈានចូលថ្ងៃទី២១ ខែមេសា ឆ្នាំ២០២០ នៅក្បែរប៉ុស្ដិ៍ នគរបាលចាក់ អង្រែលើ តាមបណ្ដោយ ផ្លូវជាតិលេខ២ ក្នុងសង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ ។
តាមសម្ដីស្ត្រីជន រងគ្រោះជាប្រពន្ធ បានប្រាប់អ្នក សារព័ត៌មានថា មុនពេលកើតហេតុ រូបគាត់និងប្ដីទាំង កូនស្រីម្នាក់ បានបើករ៉ឺម៉កកង់បីខ្មែរ ចេញពីលក់ដូរ នៅផ្សារកាប់គោ ហើយបំណងមក ផ្ទះវិញនៅសង្កាត់ចាក់ អង្រែក្រោម ខណះមកដល់ កន្លែងកើតហេតុ ស្រាប់តែឃើញ រថយន្តបង្កម៉ាក អូឌី Q7 ពណ៌ខ្មៅ ពាក់ស្លាកលេខ ភ្នំពេញ 2Z-5878 បើកបរដោយបុរស ជនជាតិចិនម្នាក់ ធ្វើដំណើរមកពី ក្រោយយ៉ាងលឿន រួចក៏បុករ៉ឺម៉កកង់បី របស់គាត់ពេញទំហឹង បណ្ដាលឲ្យក្រឡាប់ រ៉ឺម៉កកង់បីចាក់ចោល សម្ភារៈលក់ដូររងរាយ ប៉ាយពេញផ្លូវនិង ការខូចខាតយ៉ាងដំណំ តែប្ដីនិងកូនស្រីគាត់ រងរបួសតិចតួច ។
ស្ត្រីរងគ្រោះជា ប្រពន្ធបានបន្តថា ក្រោយកើតហេតុភ្លាមៗ អ្នកបើករថយន្ត បង្កមិនបានឈប់ដោះស្រាយ និងទទួល ខុសត្រូវនោះទេ ដោយបានព្យាយាម បើករត់រហូតមក ដល់មុខបុរី វីឡា ថោន ជាប់ផ្លូវ៣០ម៉ែត្រ កក្នុងសង្កាត់ចាក់ អង្រែក្រោមត្រូវបាន សមត្ថកិច្ចមូលដ្ឋាន ឃើញនិងជួយដេញ ឃាត់បានទាំង រថយន្តបង្ក និងតៃកុង តែម្ដង ។
ក្រោយមកសមត្ថកិច្ច មូលដ្ឋានបានជួយ សម្រួលដល់អ្នក រថយន្តបង្ក និងជនរងគ្រោះ ដោយបញ្ចប់រឿងត្រឹម អ្នកបង្កព្រមសងថ្លៃខូចខាតទៅលើ ភាគីរងគ្រោះ ចំនួន២ពាន់ដូល្លារដើម្បី រឿងនៅនិងកន្លែង កើតហេតុ ៕
