(ខេត្តកណ្តាល)៖ សមត្ថកិច្ចនគរបាល ប៉ុស្តិ៍រដ្ឋបាលត្រើយស្លា ឃាត់ខ្លួនជនសង្ស័យ ០២នាក់ពាក់ពន្ធ័ដាំ ដើមកញ្ឆារឺកញ្ឆុង ខុសច្បាប់មួយកន្លែង ហេតុការណ៍នេះ ធ្វើឡើងកាលពីព្រឹក ថ្ងៃទី២១ ខែមេសា ឆ្នាំ២០២០ វេលាម៉ោង០៨ និង៣០នាទី នៅចំណុចចុង ព្រែកយូហ៊ឹង ស្ថិតនៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
សមត្ថកិច្ចបានប្រាប់ អោយដឹងថា ជនសង្ស័យទាំង ០២នាក់ដែលកម្លាំងជំនាញឃាត់ខ្លួនបានទី១ឈ្មោះឈ្មោះ ហេង ហុកសេង ភេទប្រុស អាយុ៦០ឆ្នាំមុខរបរ កសិកររស់នៅ ភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល ទី២ឈ្មោះ ឌឿ ឡេង ភេទប្រុស អាយុ៥៤ឆ្នាំ មុខរបរ កសិករ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
សមត្ថកិច្ចដកហូត វត្ថុតាងចាប់យក រួមមាន ១.កញ្ឆា.កញ្ឆុងចំនួន១៧ដើមជារបស់ឈ្មោះហេង ហុកសេង,២.កញ្ឆា កញ្ឆុងចំនួន៩៨ដើម ជារបស់ឈ្មោះឌឿ ឡេង ។
ករណីកើតហេតុខាង លើមានប្រជាពលរដ្ឋល្អ រាយការណ៍ថា មានករណី ដាំដុះ កញ្ឆា កញ្ឆុង នៅចុងព្រែកយូហ៊ឹង ស្ថិតនៅភូមិ ពោធិក្រោម ឃុំត្រើយស្លា ស្រុកស្អាង ខេត្តកណ្តាល ភ្លាមនោះ កំលាំងនគរបាលប៉ុ ស្ដិ៍ត្រើយស្លា សហការជាមួយ កំលាំងអធិការដ្ឋាន នគរបាលស្រុកស្អាង ចុះដល់កន្លែងកើតហេតុ ឃើញឈ្មោះ ឌឿ ឡេង និងឈ្មោះ ហេង ហុកសេង នៅក្នុងចំការត្រាវ ដែលមានដាំដុះកញ្ឆា កញ្ឆុង នៅក្នុងចំការត្រាវ របស់ខ្លួនបន្ទាប់ មកបានធ្វើការនាំ ខ្លួនជនសង្ស័យខាង លើមកប៉ុស្តិ៍ដើម្បី សាកសួរ។
នៅចំពោះមុខ សមត្ថកិច្ច ជនសង្ស័យទាំង ពីរនាក់ខាងលើ បានសារភាពថា ខ្លួនបានដាំដុះកញ្ឆា កញ្ឆុង នៅក្នុងចំការ ត្រាវពិតប្រាដកមែន ។
បច្ចុប្បន្ជជន សង្ស័យទាំង ០២នាក់ខាងលើ រួមទាំងវត្ថុតាងត្រូវ បានឃាត់ខ្លួននៅ អធិការដ្ឋាន នគរបាល ស្រុកស្អាងដើម្បី បន្ដអនុវត្តតាមនីតិវិធី៕
