(ខេត្តកែប)៖ នៅព្រឹកថ្ងៃព្រហស្បតិ៍ ៩កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី៣០ ខែមេសា ឆ្នាំ២០២០នេះ លោកស្រី អ៊ុល ភីរុណ អភិបាល រងខេត្តកែប រួមជាមួយ លោក លោកស្រី ជាសមាជិក សមាជិកា ក្រុមប្រឹក្សាខេត្ត និងក្រុមការងារចុះ ជួយភូមិកំពង់ត្រឡាច បានបន្តចុះផ្សព្វផ្សាយ ពីខ្លឹមសារ ស្តីពីការបង្ការ ទប់ស្កាត់ ការឆ្លងរីករាលដាល នៃវីរុស Covid-19 តាមការណែនាំ របស់រាជរដ្ឋាភិបាល និងក្រសួងសុខាភិបាល និងចុះសាកសួរសុខ ទុក្ខគ្រួសារជួបការ លំបាកតាមខ្នងផ្ទះ នៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប ចំនួន៥គ្រួសារ។
ក្នុងនោះ ដែរ លោកស្រី អ៊ុល ភីរុណ អភិបាលរងខេត្ត ក៏បានលើកឡើង ដោយជំរុញដល់ប្រជា ពលរដ្ឋក្នុងមូលដ្ឋាន ខាងលើ ត្រូវតែរក្សា អនាម័យជាប្រចាំ គឺហូបស្អាត ផឹកស្អាត រស់នៅស្អាត ដោយត្រូវដុស លាងសម្អាតដៃនឹង ទឹកសាប៊ូ ឬអាល់កុល ឱ្យបានញឹកញាប់ ដើម្បីការពារការ ឆ្លងរាតត្បាតនូវ មេរោគផ្សេងៗ ពិសេសការពារ មិនឱ្យឆ្លងជំងឺកូវីដ ១៩ ដែលជាជំងឺ ដ៏កាចសសហាវ។
ជាមួយគ្នានេះ លោកស្រីអភិ បាលរងខេត្ត ក៏បានឧបត្ថម្ភជូន ប្រជាពលរដ្ឋក្នុង មួយគ្រួសារទទួលបាន អង្ករ២៥ គក្រ មី១០កញ្ចប់ ទឹកត្រី ប៊ីចេង ប្រេងឆា ត្រីខ៥កំប៉ុង ក្រមា១ និងថវិកា ចំនួន២០.០០០រៀល៕
