ខេត្តសៀមរាប ៖ យ៉ាងហោចណាស់មានជនសង្ស័យប្រុសនិងស្រី៣នាក់ត្រូវបានសមត្ថកិច្ចឃាត់ខ្លួនករណីគ្រឿងញៀនដែលហេតុការណ៍នេះបានកើតឡើងនៅ
ថ្ងៃសុក្រ៩រោចខែពិសាខឆ្នាំជូតទោស័ក ព.ស២៥៦៣ ត្រូវនឹងថ្ងៃទី១៥ខែឧសភា ឆ្នាំ២០២០វេលម៉ោង០៨និង ០០នាទីកម្លាំងការិយាល័យប្រឆាំងគ្រឿងញៀនបានចុះបង្ក្រាបបទរក្សាទុក ជួញដូរចាត់ចែងនិងប្រើប្រាស់ដោយខុស ច្បាប់នូវសារធាតុ ញៀននៅចំនុចបន្ទប់ជួលស្ថិតនៅភូមិបឹងដូនប៉ាសង្កាត់ស្លក្រាម និងនៅបន្ទប់ជួលភូមិតាវៀនសង្កាត់ សាលាកំរើកក្រុង ខេត្តសៀមរាបដោយបានការចូល រួមសហការពីកំលាំងប៉ុស្តិ៍នគរបាលរដ្ឋបាលសង្កាត់ ស្លក្រាមធ្វើការឃាត់ខ្លួនជនសង្ស័យចំនួន០៣នាក់ ៖
១. ឈ្មោះ ណុប វណ្ណណេត ហៅ ពេជ្រឫសា ភេទស្រី អាយុ ២២ឆ្នាំជនជាតិខ្មែរ មុខរបរបុគ្គលិកហាងស្នាដៃម៉ែក្មេក៣មានទីលំនៅស្នាក់នៅបន្ទប់ជួលភូមិបឹងដូនប៉ាសង្កាត់ស្លក្រាម ក្រុង.ខេត្ត សៀម រាប ។
២. ឈ្មោះចន័្ទ វិបុល ហៅ ដាភេទប្រុស អាយុ២៣ឆ្នាំជនជាតិខ្មែរមុខរបរគ្មានមានទីលំនៅភូមិតាវៀនសង្កាត់សាលាកំរើកក្រុង.ខេត្ត សៀមរាប ។
៣. ឈ្មោះភិនគឹមហេងភេទប្រុស អាយុ២២ឆ្នាំជនជាតិខ្មែរមុខរបរជាងជួសជុលម៉ូតូមានទីលំនៅបន្ទប់ជួលភូមិតាវៀនសង្កាត់សាលាកំរើកក្រុង.ខេត្តសៀមរាប។
នៅក្នុងអំឡុងប្រតិបត្តិការនេះសមត្ថកិច្ចដកហូតវត្ថុតាងបានរួមមាន ៖ ម្សៅមេតំហ្វេតាមីនចំនួន៦៥កញ្ចប់ ស្មើនឹងទម្ងន់១៥,២ក្រាម ថ្លឹងទាំងសំបក ទូរស័ព្ទដៃចំនួន ០៣គ្រឿងឧបករណ៍ប្រើប្រាស់និងសំភារៈវេចខ្ចប់គ្រឿងញៀនមួយចំនួនទៀត ។
បច្ចុប្បន្នជនសង្ស័យត្រូវបានសមត្ថកិច្ចធ្វើការឃាត់ខ្លួននិងកំពុងកសាងសំណុំរឿងបញ្ចូនទៅសាលាដំបូង៕
