ខេត្តបន្ទាយមានជ័យ៖សមត្ថកិច្ចធ្វើការឃាត់ខ្លួនមេខ្យល់វ័យក្មេងដែលបាននាំពលករឲ្យទៅធ្វើការនៅប្រទេសថៃត្រូវចាប់ហើយនៅវេលាម៉ោង ១ថ្ងៃត្រង់
ថ្ងៃទី ២៦ ខែឧសភាឆ្នាំ ២០២០នៅចំណុចភូមិភ្នំរូងឃុំបឹងបេង ស្រុកម៉ាឡៃ ខេត្តបន្ទាយមានជ័យ។ លោកវរសេនីយ៍ឯក(បេន សំអាត)កម្លាំងអធិការរដ្ឋាននគរបាលស្រុកម៉ាឡៃបានប្រាប់ឲ្យអ្នកសារព័ត៌មានដឹងថាជនសង្ស័យជាមេខ្យល់នាំពលករឲ្យទៅធ្វើការនៅស្រុកថៃមាន ឈ្មោះ ផន មុត ភេទប្រុស អាយុ ១៩ ឆ្នាំរស់នៅ ភូមិទួលពង្រ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
លោកបេនសំអាតប្រាប់ឲ្យដឹងបន្តទៀតថានៅមុនពេលជូនពលករចេញទៅស្រុក ថៃនោះជនសង្ស័យបានបញ្ចុះ បញ្ចូលពលករ១៥នាក់ថាខ្លួននិងនាំយកទៅធ្វើការនៅស្រុកថៃ កន្លែងការងារធ្វើស្រួលនិងប្រាក់ខែបានច្រើនក្នុងពលករម្នាក់ត្រូវបង់លុយទៅអោយមេខ្យល់ចំនួន៣.០០០បាទក្រោយពីពលករនិងមេខ្យល់ត្រូវរ៉ូវគ្នាអស់ហើយក៏បានជូននាំតាមច្រកយកមកទម្លាក់ទុក នៅចំណុចមាត់អូរព្រំដែនកម្ពុជាថៃត្រូវបានទាហានទាហានឈុតខ្មៅថៃចាប់បញ្ជូនមកប្រគល់ឲ្យនគរបាលការពារព្រំដែនគោកលេខ៩ ១៥ ខ្មែរវិញ។
លោក បេន សំអាតកម្លាំងអធិការរដ្ឋាននគរបាលបានបញ្ជាក់ឲ្យដឹងទៀតថាយោងតាមចម្លើយរបស់ជនសង្ស័យ ឈ្មោះ ផន មុត បានសារភាពថាខ្លួននិងបក្ខពួកចំនួន ៣នាក់ទៀតពិតជាបាននាំមនុស្សឆ្លងដែនទៅកាន់ប្រទេសថៃដើម្បីទៅរកការងារធ្វើពិតប្រាកដមែនហើយចំនួនមនុស្សដែលខ្លួនបានជូននោះប្រហែល១៥ នាក់។ក្រោយពីសារភាពរួចហើយមេខ្យល់ត្រូវបានបញ្ជូនទៅកាន់ស្នងការនគរបាលខេត្តបន្ទាយមានជ័យ និងរៀបចំបែបបទសំនុំរឿងបញ្ជូនទៅតុលាការដើម្បីចាត់ការបន្តតាមនីតិវិធីច្បាប់។ ចំណែកពលករដែលចាញ់បោកមេខ្យល់នោះបានយកមកពិនិត្យសុខភាព ធ្វើការអនុវត្ត វិធានការ ចត្តាឡីស័ក និង ធ្វើការពន្យល់ណែនាំដល់ពលករទាំង១៥នាក់ឈប់ធ្វើការចាញ់បោកមេខ្យល់បន្តទៀតហើយបានឱ្យបងប្អូនពលករទៅកាន់លំនៅឋានរៀងខ្លួន។
លោក បេន សំអាតបានបន្តឲ្យដឹងទៀតថា សព្វថ្ងៃប្រទេស ថៃ ននៅបន្តដាក់ប្រទេសក្នុងភាពគ្រាមានអាសន្ននៅឡើង ដើម្បី ទប់ស្កាត់ ការ រីក រាររីករាលដាលនៃជំងឺកូវីដ-១៩ហេតុនេះក្នុងនាមលោកជាសមត្ថកិច្ចត្រូវបន្តអប់រំណែនាំ និង ផ្សព្វផ្សាយ ដល់ ប្រជាពលរដ្ឋ ចង់ទៅធ្វើការនៅស្រុក ថៃ កុំឲ្យធ្វើដំណើរទៅកាន់ប្រទេសថៃជាដាច់ខាត។សមត្ថកិច្ចលោកនៅតែបន្តយកចិត្តទុកដាក់អនុវត្តវិធានការ និង គោលការណ៍ ណែនាំ នានា របស់ រាជរដ្ឋាភិបាល កម្ពុជា និង ក្រសួងសុខាភិបាល ក្នុង ការ បង្ការ ទប់ស្កាត់ ការ រីក រាលដាល ជំងឺ កូ វីដ -១៩ នៅ កម្ពុជា ឲ្យ ទទួល បាន ប្រសិទ្ធភាព ខ្ពស់ ផងដែរ៕(សឿនវ៉ាន់ម៉ាន់លី)
