(ខេត្តបាត់ដមបង)៖ នៅព្រឹកថ្ងៃទី១២ ខែមិថុនា ឆ្នាំ២០២០ ក្រុមការងារ ស.អ.ក ស្រុកសំពៅលូន ដឹកនាំដោយ លោកឧត្តមសេនីយ៍ត្រី ម៉ុក ឌីណា មេបញ្ជាការរង តំបន់ប្រតិបត្តិការ សឹករងបាត់ដំបង ជាសមាជិក គណៈកម្មាធិការ ស.អ.ក ខេត្ត លោក ងាវ ប៊ុនយាង អភិបាល នៃគណៈអភិបាលស្រុក ជាប្រធានកិត្តិយស ស.អ.ក ស្រុក,លោក វ/ត្រី ឈឹម សំណាង មេបញ្ចាការស្តី ទីតំណាងប្រធាន ស អ ក ស្រុក បានអញ្ជើញ ចុះសំណេះសំណាល សួរសុខទុក្ខអតីតយុទ្ធជន ឈ្មោះ វ៉ាន សឹន អត្តលេខ RA09000816 ជានិវត្តជន ភេទប្រុស អាយុ ៦៤ឆ្នាំ រស់នៅស្ថិត នៅភូមិទឹកផុស ឃុំអង្គរបាន ស្រុកសំពៅលូន ខេត្តបាត់ដំបង ដែលមានជីវភាពទីទ័លក្រ ។
ក្នុងឱកាសនោះ ក្រុមការងារបាននាំ យកនូវគ្រឿងឧបភោគ បរិភោគមួយចំនួន របស់ ស.អ.ក ស្រុកមកផ្តល់ជូនមាន៖ ថវិកា ៤០០.០០០រៀល, អង្ករចំនួន ២២.៨គីឡូក្រោម, ទឹកត្រី ០១កេស, ទឹកដោះគោឆៅ ០១ឡូ, ទឹកដោះគោខាប់ ០២កំប៉ុង, ស្ករស ០១គីឡូក្រាម និងទឹកសិទ្ធ ០៥យួរ ក្នុងឱកាសនោះដែរ ក្រុមការងារ បានឧបត្ថម្ភដល់ យោធិនខ្វះខាតចំនួន ០២គ្រួសារ ក្នុងមួយគ្រួសារទទួលបាន ថវិកា ៧០.០០០រៀល និងអង្ករ ២២.៨គីឡូក្រាម ផងដែរ ៕
