(ខេត្តបន្ទាយមានជ័យ)៖ អនិច្ចាណាស់យុវជន ម្នាក់ទៅទិញឥវ៉ាន់នៅ ពេលយប់ឲ្យម្តាយលក់ ត្រូវបានរថយន្ត ធុនធំបុកស្លាប់យ៉ាង អណោចអាធ័ម នៅវេលាម៉ោង ៣និង៤៤នាទីទាបភ្លឺ ថ្ងៃទី១៥ខែ មិថុនា ឆ្នាំ២០២០ នៅលើកំណាត់ ផ្លូវជាតិលេខ ៥៦ A ចំណុចទល់មុខ ក្លោងទ្វារវត្តពោធិតាបែន ស្ថិតក្នុងភូមិ គោករការ ឃុំតាបែន ស្រុកស្វាយចេក ខេត្តបន្ទាយមានជ័យ ។
មន្ត្រីនគរបាលមូលដ្ឋាន បានឲ្យដឹងថាជនរង គ្រោះមានឈ្មោះ អឿន ឡាយហាំង ភេទប្រុស អាយុ ២២ ឆ្នាំ រស់នៅភូមិអូរវែងត្បូង ឃុំតាបែន ស្រុកស្វាយចេក ខេត្តបន្ទាយមានជ័យ។
មន្ត្រីនគរបាលមូលដ្ឋាន បានឲ្យដឹងបន្តទៀតថាមុន ពេលកើតហេតុនោះ យុវជនរងគ្រោះបាន ជិៈម៉ូតូម៉ាកអៀរ៉ក ពណ៍ខ្មៅ គ្មានស្លាក លេខទៅទិញ ឥវ់ាន់ឲ្យម្តាយលក់ លុះពេលជិៈចេញ ពីភូមិឡើងមកថ្នល់ ជាតិមិនបានមើលឆ្វេងស្តាំ ដោយធ្វើដំណើរ ពីជើងទៅត្បូងមក ដល់ចំណុចកើតហេតុ ត្រូវរថយន្តធុនធំ ធ្វើដំណើរច្រាសទិសគ្នា បុកចំពេញទំហឹងបណ្តាល ឲ្យជនរងគ្រោះស្លាប់ភ្លាមៗ នៅនឹងកន្លែងចំណែក អ្នកបករថយន្ត ក្រោយពីកើតហេតុ បានបើករត់គេច ខ្លួនបាត់ស្រមោលឈឹង ។
ពេលកើតហេតុហើយ សពជនរងគ្រោះត្រូវបាន នគរបាលចរាចរណ៍ ប្រគល់ជូនក្រុម គ្រួសារយកទៅ ចាត់ចែងធ្វើបុណ្យ តាមប្រពៃណី បន្ទាប់នគរបាលជំនាញ ធ្វើការវាស់វែងនិង ត្រួតពិនិត្យរួច។ ម៉ូតូយកមករក្សាទុកនៅ ប៉ុស្តិ៍រដ្ឋបាលឃុំតា បែនរងចាំប្រគល់ ជូនក្រុមគ្រួសារជនរង គ្រោះវិញនៅពេលក្រោយ៕
