(ខេត្តបន្ទាយមានជ័យ)៖ បុរសវ័យចំណាស់ម្នាក់ បានស្លាប់ភ្លាមៗ ខណៈពេលបញ្ជូន ដល់មន្ទីរពេទ្យ នៅពេលដែល គាត់មេឃជិតភ្លៀង ដាក់ម៉ូទ័របូមទឹកចាស់ ចោសត្រៀមដាក់ ទឹកភ្លៀងស្រាប់ តែឆ្លងចរន្ត ហនៅវេលា ម៉ោង៦យប់ថ្ងៃ ទី១៤ខែមិថុនា ឆ្នាំ២០២០ នៅភូមិកោះស្នួល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។
លោកវរសេនីយ៍ឯក បេន សំអាត អធិការនគរ បាលស្រុកម៉ាឡៃ បានឲ្យដឹងថា ជនរងគ្រោះឈ្មោះ ជិន ម៉ៅ ភេទប្រុស អាយុ៦០ឆ្នាំ រស់នៅភូមិ កោះស្នួល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។
លោកអធិការបានបន្តថា តាមការរៀបរាប់ ពីប្រពន្ធឈ្មោះ យូ សុភាព អាយុ៦០ឆ្នាំ បានឲ្យដឹង ថានៅមុនពេលកើត ហេតុនោះមេឃ កំពុងរកធ្លាក់ភ្លៀង ប្តីរបស់គាត់បាន ដាក់ម៉ូទ័រស្តារទឹកក្នុង ពាងចាស់ចោលត្រៀម ចាំត្រងទឹកភ្លៀងលុះ ស្តារទឹកបាន ចំនួន២ពាង ស្រាប់តែឆ្លងចរន្ត បណ្តាលឲ្យឆក់ភ្លាមៗ នោះក្រុមគ្រួសារដឹក គាត់យកទៅសង្រ្គោះ នៅមន្ទីរពេទ្យតែ ជាអកុសលប្តីរបស់គាត់ បានដាច់ខ្សល់ ស្លាប់នៅមន្ទីរពេទ្យ។
លោកអធិការបានបញ្ជាក់ បន្ថែមថាក្រោយពី ទទួលបានព័ត៌មាន លោកបានចាត់ កម្លាំងជំនាញ ចុះទៅពិនិត្យ សពឃើញមានស្លាក ស្នាមខ្សែភ្លើងឆក់ ចំនួន២កន្លែង មួយកន្លែងរបក ស្បែកនៅលើដើមទ្រូង និងមួយកន្លែងទៀត នៅលើប្រអប់ដៃខាងឆ្វេង ដូច្នេះជំនាញសន្និដ្ឋានថា ជនរងគ្រោះគឺពិត ជាស្លាប់ដោយខ្សែ ភ្លើងឆក់ពិត ប្រាកដមែន ។ក្រោយពីពិនិត្យរួចសព ត្រូវបានប្រគល់ជូន ក្រុមគ្រួសាររៀប ចំធ្វើបុណ្យតាម ប្រពៃណី ៕៨៩
