(ខេត្តបាត់ដំបង)៖ នៅព្រឹកថ្ងៃ សុក្រ ៧រោច ខែ ជេស្ឋឆ្នាំជូតទោស័កព.ស.២៥៦៤ ត្រូវនឹងថ្ងៃទី ១២ ខែ មិថុនា ឆ្នាំ ២០២០ អនុវត្តតាមបទ បញ្ជារបស់ឯកឧត្តម ឧត្តមសេនីយ៍ទោ (អ៊ុច សុខុន) ស្នងការ នៃស្នងការដ្ឋាន នគរបាលខេត្តបាត់ដំបង និងមានការសម្រប សម្រួលពីលោក ( គឺ ប៊ុណ្ណារ៉ា) ព្រះរាជអាជ្ញា រងនៃអយ្យការ អមសាលាដំបូងខេត្ត បាត់ដំបង លោកឧត្តមសេនីយ៍ត្រី (ចេង ឡេង )ស្នងការរងផែនការងារប្រឆាំងបទ ល្មើសសេដ្ឋកិច្ច នៃស្នងការដ្ឋាន ដឹកនាំកម្លាំងនគរបាល ក្នុងការិយាល័យជំនាញ ដែលមានលោក វរសេនីយ៍ទោ យី យក់សាន ជានាយការិយាល័យ នគរបាលប្រឆាំងបទ ល្មើសសេដ្ឋកិច្ចខេត្ត ចូលរួមសហការណ៍ ជាមួយសមត្ថកិច្ចជំនាញ អាជ្ញាធរមូលដ្ឋានពាក់ព័ន្ធ បានធ្វើពិធីដុតបំផ្លាញចោលនូវចុងស្លាបមាន់ និងឆ្អឹងមាន់ចំនួន១,២៩០គីឡូ ដែលខូចគុណភាព នៅត្រង់ចំណុចទីលាន ចាក់សំរាម ក្នុងសង្កាត់ ស្លាកែត ក្រុងបាត់ដំបង ខេត្តបាត់ដំបង ដែលវត្ថុខូចគុណ ភាពទាំងនេះសមត្ថកិច្ចនគរបាល ចូលរួមជាមួយសមត្ថកិច្ច ជំនាញធ្វើការទប ស្កាត់បានពីក្រុមឈ្មួញ ដែលរកស៊ីនាំចូល ដោយខុសច្បាប់នៅ ចំណុចឃុំតាគ្រាម ស្រុកបាណន់ ខេត្តបាត់ដំបង កាលពីថ្ងៃទី១១ ខែ មិថុនា ឆ្នាំ ២០២០ក្នុង ខណៈក្រុមឈ្មួញនាំយក បម្រុងធ្វើចរាចារណ៍ ចែកចាយក្នុងនៅក្នុង ទីផ្សារនាទឹកដី ខេត្តបាត់ដំបង៕
