(ខេត្តកំពត)៖ នៅព្រឹកថ្ងៃទិ០៧ខែ កញ្ញាឆ្នាំ២០១៩សាខា កាកបាទក្រហមកម្ពុជា ខេត្តកំពត បានដំណើរការបើក អង្គសន្និបាតអាណត្តិទី៥ (ឆ្នាំ២០១៩-២០២៥) នៅសាលសន្និសីទ ខេត្តកំពត ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការកាក បាទក្រហមកម្ពុជា ឯកឧត្ដម បណ្ឌិត ប៉ែន ស៊ីម៉ន អ្នកតំណាងរាស្ត្រ និងជាប្រធានគណៈ កម្មការទី១០នៃរដ្ឋសភា ឯកឧត្ដមជាវ តាយ ប្រធានកិត្តិយស សាខាកាកបាទក្រហម កម្ពុជាខេត្ត ឯកឧត្ដមជឹង ផល្លា ប្រធានក្រុម ប្រឹក្សាខេត្ត លោកជំទាវ យូ សុគន្ធ ប្រធានគណៈកម្មាធិការសាខា កាកបាទក្រហម កម្ពុជាខេត្តកំពត អាណត្តិទី៤ ។
ដោយមានការចូលរួមពី សមាជិក-សមាជិកាពេញសិទ្ធិ មន្ត្រីបច្ចេកទេសទីស្នាក់ ការកណ្តាល ក្រុមប្រតិបត្តិសាខា យុវជនកាកបាទ ក្រហមកម្ពុជា និងអ្នកស្ម័គ្រចិត្ត សរុបចំនួន ៣៩០នាក់។
ក្នុងឱកាសនោះ ឯកឧត្តម ជាវ តាយ ត្រូវបានតែងតាំងជា ប្រធានគណៈ កម្មាធិការសាខាកាក បាទក្រហមកម្ពុជា ខេត្តកំពត សម្រាប់អាណត្តិទី៥ និងបានធ្វើការប្តេជ្ញា ចិត្តយ៉ាងមុតមាំថា ៖
១-ពង្រឹងអភិបាលកិច្ចល្អ
២-ពង្រឹង និងពង្រីកសមត្ថភាព កៀរគររកមូលនិធិ និងគ្រប់គ្រង មានគណនេយ្យភាព និងតម្លាភាព
៣- ខិតខំពង្រឹងសមត្ថភាព គ្រប់គ្រងគ្រោះមហន្តរាយ ប្រកបដោយប្រសិទ្ធភាព
៤-ខិតខំពង្រឹងពង្រីក អភិវឌ្ឍកម្លាំងចលករ រួមមានយុវជន និងអ្នកស្ម័គ្រ ចិត្តកាកបាទ ក្រហម កម្ពុជា ឱ្យកាន់តែ សកម្មថែមទៀត
៥-ខិតខំអភិវឌ្ឍសាខា អនុសាខា ឱ្យនៅជាសា ខាមានដំណើរ ការល្អលើគ្រប់វិស័យ។
ក្នុងឱកាសនេះដែរ ឯកឧត្តម ជាវ តាយ ប្រធានគណៈកម្មាធិការសាខាកាក បាទក្រហមកម្ពុជា ខេត្តកំពត អាណត្តិទី៥ បានឧបត្ថម្ភ ថវិកាសរុប ៣,១៦០,០០០រៀល ដល់ អ្នកស្ម័គ្រចិត្ត កាកបាទក្រហម ចំនួន៦៦នាក់, យុវជនកាកបាទក្រហម ចំនួន៣៧នាក់ និងសិស្សនិស្សិត វិទ្យាស្ថានពហុបច្ចេក ទេសតេជោសែន ខេត្តកំពត ចំនួន៥៥នាក់ ដោយម្នាក់ៗ ទទួលបានថវិកា ២ម៉ឺនរៀល៕
