(ខេត្តបន្ទាយមានជ័យ)៖ ខេត្តបន្ទាយមានជ័យមានអ្ន កឆ្លងកូវីដ.១៩ បំប្លែងថ្មីអូមីក្រុង ចំនួន២១៦ករណី ទៅលើពលករមក ពីប្រទេសថៃចំនួន១៤១នាក់ នេះគិតត្រឹមថ្ងៃ ទី២៧ ខែកុម្ភៈ ឆ្នាំ២០២២ ។
លោកវេជ្ចៈបណ្ឌិត រឿន សុធី អនុប្រធានមន្ទី សុខាភិបាលខេត្ត បន្ទាយមានជ័យ បានឱ្យដឹងថា ខេត្តបន្ទាយមានជ័យ មានអ្នកឆ្លងកូវីដ ប្រភេទបំប្លែងថ្មី «អូមីក្រុង» មានចំនួន២១៦នាក់ (ស្រី១១៥នាក់) ។ ក្នុងនោះ មានពលករខ្មែរត្រឡប់ ពីប្រទេសថៃមាន ចំនួន១៤១នាក់ (ស្រី៨៤នាក់) ឆ្លងក្នុងសហគមន៍ មានចំនួន៧៥នាក់ (ស្រី៣១នាក់) ។
លោកវរសេនីយ៍ទោ ម៉ាន់ ធី អធិការ រងនគរបាលស្រុក អូរជ្រៅបានប្រាប់ថា នៅថ្ងៃទី២៧ ខែកុម្ភៈ ឆ្នាំ២០២២នេះ ក្រុមការងារទទួល ពលករត្រឡប់ពី ប្រទេសថៃ ចូលតាមច្រក អូរបីជាន់ស្រុក អូរជ្រៅ មានចំនួន១៤៧នាក់ (ស្រី៧១នាក់) កុមារ២៤នាក់ (ស្រី១១នាក់) អ្នកវិជ្ជមានកូវីដ.១៩ ចំនួន៤នាក់ (ស្រី១នាក់ កុមារ១នាក់) ហើយពលករដែល បានចាក់វ៉ាក់សាំង ដូសទី២ និងដូសទី៣ មានចំនួន១១៨នាក់ (ស្រី៥៩នាក់) ។
