(ខេត្តបន្ទាយមានជ័យ)៖ មេឃកំពុងតែភ្លៀងខ្លាំង អមទៅដោយផ្គររន្ទះ លោកតាប្រុសវ័យ ចំណាស់ម្នាក់ បានដេញគោទៅ ឃ្វាលនៅចំណុច ខ្លាគ្រហ៊ឹម ស្រាប់តែត្រូវ រន្ទះបាញ់ចំបណ្តាល ឲ្យរបួសធ្ងន់ មិនដឹងស្លាប់រឺ រស់ពេលបញ្ជូន ដល់មន្ទូរពេទ្យ។ រឿងរាងនេះកើតឡើង នៅវេលាម៉ោង៦ល្ងាច ថ្ងៃទី ៦ ខែ មិនា ឆ្នាំ ២០២២ នៅចំណុចខ្លាគ្រហ៊ឹម ស្ថិតក្នុងភូមិស្ពានក្មេង ឃុំភ្នំដី ស្រុកភ្នំស្រុក ខេត្តបន្ទាយមានជ័យ ។
លោកអធិការដ្ឋាន នគរបាលស្រុកភ្នំស្រុក បានប្រាប់អ្នកយក ព័ត៌មានឲ្យដឹងថា លោកតាត្រូវ រន្ទះបាញ់មាន ឈ្មោះស្ងៀម សួប ភេទប្រុស អាយុ៦២ឆ្នាំ រស់នៅភូមិ ត្រពាំងប្រិយ៍ ឃុំភ្នំដី ស្រុកភ្នំស្រុក ខេត្តបន្ទាយមានជ័យ ។
លោកអធិការដ្ឋាន នគរបាលស្រុកភ្នំស្រុក បានប្រាប់អ្នក យកព័ត៌មានឲ្យដឹង បន្តទៀតថានៅមុន ពេលកើតហេតុនោះ លោកតាជាជនរង គ្រោះនៅពេលល្ងាចបាន ដេញគោទៅឃ្វាលនៅ ចំណុចខ្លាគ្រហ៊ឹម ស្ថិតក្នុងភូមិស្ពានក្មេង ក្រោយមកមាន ភ្លៀងធ្លាក់ ផ្គររន្ទះ យ៉ាងខ្លាំង ស្រាប់តែរន្ទះបាន បាញ់មកត្រូវគាត់ បណ្តាលឲ្យរងរបួសធ្ងន់ ក្រុមគ្រួសារបានដឹក លោកតាមកផ្ទះបាន រាយការណ៍ទៅឲ្យសមត្ថកិច្ច។
ក្រោយពីបានទទួល ពត៌មានកំលាំងប៉ុស្ដិ៍ភ្នំដី សហការណ៍ជាមួយ រដ្ឋបាលឃុំភ្នំដីចុះ ដល់ផ្ទះជនរងគ្រោះ នឹងបានដឹកបញ្ជូល ជនរងគ្រោះទៅសង្រ្គោះ នៅមន្ទីរពេទ្យបង្អែក ភ្នំស្រុកភ្លាមតែម្តង មិនថាលោកតា ក្រុមគ្រូពេទ្យអាចជួយ សង្គ្រោះជីវិតគាត់ បានរឺយ៉ាងណានោះទេ៕
