រថយន្តបើកទៅបុក និងម៉ូតូបណ្តាល ឲ្យអ្នកជិះម៉ូតូរបួសធ្ងន់ ម្នាក់និងរបួស ស្រាលម្នាក់នៅ ក្នុងសិរីសោភ័ណ

(ខេត្តបន្ទាយមានជ័យ)៖ រថយន្តរបស់ ចែដឿនលក់គ្រឿង ក្រអូបបានបើកទៅ បុកនិងម៉ូតូជិះគ្នា២នាក់ ពេញទំហឹងបណ្តាល ឲ្យអ្នកជិៈម៉ូតូរបួសធ្ងន់ ១នាក់និងស្រាល១នាក់ ។ រឿងរាវនេះកើតឡើង នៅវេលាម៉ោង៧យប់ ថ្ងៃទី២៥ ខែមេសា ឆ្នាំ ២០២២ នៅលើផ្លូវជាតិ៥៦អា ផ្លូវកំពុងជួសជុល ក្នុងចំណុចខាងជើងអធិការ ដ្ឋាននគរបាល ក្រុងសិរីសោភ័ណ ចំងាយប្រហែល៥០ម៉ែត្រ ស្ថិតនៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយានជ័យ ។

នគរបាលចរាចរណ៍ បានប្រាប់ឲ្យដឹងថា មុនពេលកើតហេតុនោះ រថយន្តម៉ាកគាម័រនីង ពណ៌ទឹកប្រាក់  ពាក់ផ្លាកលេខ កំពង់ចាម ២A-៩៤៥៤ មានផ្លាកយីហោ ចែដឿនលក់គ្រឿង ក្រអូបលុះបើកតាមបណ្តោយ ផ្លូវជាតិលេខ ៥៦អាពីជើងទៅខាងត្បូង  ល្បឿនលឿនពេលបើក មកដល់ចំណុចកើត ហេតុ បានរ៉េចង្កូតទៅបុក និងម៉ូតូម៉ាកហុងដា ឌ្រីមពណ៌ខ្មៅ សេរីឆ្នាំ ២០១៥ ពាក់ផ្លាកលេខ១l-០៩៤៤ បើកផ្ទុយគ្នា ពីត្បូងទៅជើង ចៀសនិងរថយន្តមិន ផុតរថយន្តទៅបុកម៉ូតូ ពេញទំហឹងបណ្តាល ឲ្យបុរសម្នាក់ដាច់ជើង ចំណែក បុរស១នាក់ទៀតរបួស ពេញខ្លួលស្រាល។ ក្រោយពីកើតហេតុ នគរបាលដឹកអ្នក របួសធ្ងន់បញ្ជូនទៅ មន្ទីពេទ្យអុីម៉ែល ជិនសុីខេត្តបាត់ដំបង។

នគរបាលចរាចណ៍ បានបញ្ជាក់ឲ្យដឹងទៀត ថាមូលហេតុគ្រោះថ្នាក់នេះ មកពីរថយន្តបើក មិនប្រកាន់ស្តាំ សង្ស័យងងុយដេក។ ម៉ូតូនិង រថយន្តត្រូវបាននគរ បាលចរាចរណ៍យក មករក្សាទុកនៅអធិការដ្ឋាន នគរបាលក្រុង សិរីសោភ័ណ ដើម្បីដោះស្រាយ នៅពេលក្រោយ៕