(ខេត្តប៉ៃលិន)៖នារសៀលថ្ងៃទី២២ ខែកញ្ញា ឆ្នាំ២០១៩ ឯកឧត្តម ផាន់ ចាន់ធុល អភិបាល នៃគណៈអភិបាល ខេត្តប៉ៃលិន រួមជាមួយលោក ឧត្ដមសេនីយ៍ទោ សេង សុគន្ធ ស្នងការ នៃស្នងការដ្ឋាន នគរបាលខេត្តប៉ៃលិន បានដឹកនាំកម្លាំង ក្រោមឱវាទចុះ ពិនិត្យមើលស្ថាន ភាព ជំនន់ដោយ សារទឹកភ្លៀង និងអន្តរាគមន៍ ជួយសង្គ្រោះប្រជាពលរដ្ឋ ដែលទទួល រងផលប៉ះ ពាល់ នៅចំណុចផ្លូវ ជាតិលេខ៥៩ ចាប់ពីរង្វង់មូល ស្រុកសាលាក្រៅ ដល់ផ្សារសាលាក្រៅ ស្ថិតក្នុងភូមិបឹងត្រកួន ឃុំអូរអណ្ដូង ស្រុកសាលាក្រៅ ខេត្តប៉ៃលិន ដែលស្ថានភាព ទឹកមាន ការជន់ ឡើងខ្លាំងរហូត ហូរកាត់ថ្នល់ និងបណ្តាលឲ្យលិច ផ្ទះប្រជាពលរដ្ឋ មួយចំនួននៅ ក្បែរៗនោះ ប៉ុន្តែរហូតមក ដល់ម៉ោងប្រមាណ ១៦:៣០ នាទីរសៀល ទឹកនៅចំណុចនេះ បានស្រកចុះអស់វិញ។
ហើយចំណុចផ្លូវក្រាល ក្រួសក្រហមទៅផ្សារឃែរ ស្ថិតក្នុងភូមិទំនប់ ឃុំស្ទឹងត្រង់ ស្រុកសាលា ក្រៅ ខេត្តប៉ៃលិន ទឹកជំនន់មានសភាព ឡើងខ្លាំងរហូតហូរ កាត់ផ្លូវចម្ងាយប្រហែល ២០០ ម៉ែត្រ ជម្រៅប្រហែល ០.៥ ម៉ែត្រ បណ្តាលឱ្យលិចចំការ របស់ប្រជាពលរដ្ឋនៅ តំបន់នោះ រហូតមកទល់ ពេលនេះនៅ បន្តលិចនៅឡើយ។
ក្នុងការចុះត្រួតពិនិត្យ នេះផងដែរលោក ឧត្ដមសេនីយ៍ស្នងការ ក៏បានឲ្យកម្លាំងចម្រុះរបស់ ស្នងការដ្ឋាននគរ បាលខេត្តប៉ៃលិន ជួយសម្រួលចរាចរណ៍ ជូនប្រជាពលរដ្ឋ ក៏ដូចជាចម្លង ប្រជាពលរដ្ឋដែលជួប បញ្ហានៅចំណុចខាងលើ និងបានផ្អាកយានជំនិះ មួយចំនួនអោយត្រឡប់ ក្រោយដើម្បីបញ្ជៀស នៅគ្រោះថ្នាក់ណាមួយដែល កើតឡើងដោយយ ថាហេតុ។ដោយមុតចន្ត្រា
