ជនសង្ស័យ១នាក់ ធ្វើសកម្មភាពលក់ ថ្នាំញៀននៅ ក្រុងប៉ោយប៉ែត ត្រូវកំលាំង នគរបាលឃាត់ខ្លួន ដក ហូតវត្ថុតាង បានមួយចំនួនធំ

(ខេត្តបន្ទាយមានជ័យ)៖ កំលាំងនគរបាល ជំនាញ១ក្រុមចុះល្បាត នៅពេលយប់បាន ប្រទះឃើញជន សង្ស័យ១នាក់ កំពុងធ្វើសកម្មភាព លួចលក់ថ្នាំញៀន នៅក្រុងប៉ោយប៉ែត ត្រូវកំពុងនគរបាល ឃាត់ខ្លួន។ រឿងរាវនេះកើត ឡើងនៅវេលាម៉ោង ១យប់ ចូលថ្ងៃទី ២៥ ខែឧសភា ឆ្នាំ ២០២២ នៅចំណុចភូមិសាស្រ្ត ជិតដល់ផ្សារទឹកពុះ ដែលស្ថិតក្នុងភូមិ ក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

កំលាំងជំនាញដែល ធ្វើការឃាត់ខ្លួនជន សង្ស័យបានប្រាប់ អ្នកយកព័ត៍មានឲ្យដឹងថា ជនសង្ស័យមាន ឈ្មោះ អៀង រ៉ន ភេទ ប្រុស អាយុ២៣ឆ្នាំ រស់នៅក្រុងប៉ោយប៉ែត ខេត្តបន្ទាយមានជ័យ កំលាំងជំនាញបានធ្វើការដក ហូតវត្ថុតាងរួមមាន១១មុខ ១/ម្សៅម៉ត់សថ្លា សង្ស័យជាសាធាតុ ញៀនចំនួន១៣៦កូនថង់ ២/ថ្នាំគ្រាប់ពណ៍ផ្កាឈូក មានរូប(ស្តុបប៊ឺរី)ចំនួន ៥១គ្រាប់ ៣/ថ្នាំគ្រាប់ពណ៍ផ្ទៃមេឃ មានអក្សរ V l ចំនួន៣៧គ្រាប់ ៤/ថ្នាំគ្រាប់ពណ៍ ប៉ៃតងមានរូប ម្គុដពីលើ ចំនួន១៤គ្រាប់ ៥/ថ្នាំគ្រាប់ពណ៍ផ្កាឈូក មានរូបម្គុដពីលើ ចំនួន១៨គ្រាប់ ៦/ថ្នាំគ្រាប់សំបកពណ៍ ឈាមជ្រូកចំនួន១០គ្រាប់ ៧/ថ្នាំកញ្ចប់ពណ៍ ខៀវចំនួន១៥កញ្ចប់ ៨/ថ្នាំកាហ្វេសប្បាយ ចំនួន០១កញ្ចប់ ៩/ថ្នាំយិន សុីន០១កញ្ចប់ ១០/ថ្នាំហែមមើ (HER MES) ចំនួន០៤កញ្ចប់ ១១/ហឹបដែកចំនួន១។

កំលាំងជំនាញបាន ប្រាប់អ្នកយកព័ត៍មាន ឲ្យដឹងបន្តទៀតថា បន្ទាប់មកក្រោយពីកម្លាំង ជំនាញឃាត់ ខ្លួនហើយជនសង្ស័យ បាននាំយកមក អធិការដ្ឋាន ក្រុង ដើម្បីធ្វើការសាក សួរតាមនិតិវិធីក្នុង នោះបានធ្វើតេស្ត ទឹកនោមលទ្ធផល អវិជ្ជមាន(-) កំលាំងជំនាញបាន បញ្ជូនជនសង្ស័យ មកស្នងការរៀប ចំឯកសារបញ្ជូនទៅ តុលាការដើម្បីដាក់ ទោសទៅតាមផ្លួវច្បាប់៕