(ខេត្តឧត្ដរមានជ័យ)៖ ស្រុកត្រពាំងប្រសាទ ថ្ងៃអាទិត្យ ៧រោច ខែពិសាខ ឆ្នាំឆ្លូាំខាល ចត្វស័ក ព.ស២៥៦៦ ត្រូវនឹងថ្ងៃទី២២ ខែឧសភា ឆ្នាំ២០២២ ដោយអនុវត្តតាម ការចង្អុលបង្ហាញ និងការណែនាំ ជាប្រចាំរបស់ លោកឧត្តម សេនីយ៍ទោ (ហួត សុធី) ស្នងការនគរបាលខេត្ត នៅវេលាម៉ោង ២២និង៣០នាទី នាថ្ងៃទី ២១ ខែ ឧសភាឆ្នាំ ២០២២ លោក វរសេនីយ៍ទោ (អ៊ូច ម៉ៅ) អធិការនគរបាល ស្រុកត្រពាំងប្រាសាទ បានដឹកនាំកម្លាំង ជំនាញផ្នែកប្រឆាំង គ្រឿងញៀននៃអធិការដ្ឋាន សហការជាមួយ (យ័ន្តសារ៉ាក់) នាយការិយាល័យទី 2 នៃកងពលអន្ត រាគមន៍លេខ ៦.ធ្វើការចុះល្បាតក្នុង ភូមិសាស្ត្រ ទីរួមស្រុក ក៏បានប្រទះឃើញ មុខសញ្ញាសង្ស័យជូញដូរ និងប្រើប្រាស់ គ្រឿងញៀន (ជាមុខសញ្ញាចាស់) ចំនួន ០១នាក់ នៅចំណុចមុខផ្សារដី ក្រហម ស្ថិតក្នុងភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ។
សមត្ថកិច្ចបានប្រាប់ អោយដឹងថា ជនសង្ស័យមាន ឈ្មោះ អឿន រស្មី ភេទ ប្រុស អាយុ ៣០ឆ្នាំ មុខរបរ មិនពិតប្រាកដ រស់នៅភូមិ ត្រពាំងប្រាសាទ ឃុំ-ស្រុកត្រពាំងប្រាសាទ ខេត្តឧត្តរមានជ័យ ក្រោយធ្វើការឃាត់ខ្លួន និងឆែកឆេរនៅ លើខ្លួនជនសង្ស័យ និងគោយន្តកន្រ្តៃ រក ឃើញថ្នាំញៀន ប្រភេទមេតំហ្វេតាមីន (ICE) ចំនួន ០១ កញ្ចប់ធំ និងអាវុធAK47ចំនួន០១ដើម និងគ្រាប់ចំនួន០៤គ្រាប់ លោកវរសេនីយ៍ទោ (អ៊ូចម៉ៅ)បានដឹកនាំ កម្លាំងជំនាញ បន្ត សហការជាមួយ កម្លាំងយោធា ដឹកនាំដោយ លោក យន់ សារ៉ាក់នាយ ការិយាល័យទី២ នៃកងពល អន្តរាគមន៍លេខ ៦ បានបន្តនីតិវិធី ឆែកឆេរកន្លែងស្នាក់ នៅរបស់ជន សង្ស័យបាន រកឃើញវត្ថុតាង ថ្នាំញៀនប្រភេទ មេតំហ្វេតាមីន មួយចំនួនផ្សេង។
សមត្ថកិច្ចដកហូត បានវត្ថុតាង រួមមាន៖១- ថ្នាំញៀនប្រភេទ មេតំហ្វេតាមីន (ICE) ចំនួន ០៨ កញ្ចប់ធំ០២កញ្ចប់តូច និងថង់សម្រាប់ ច្រកគ្រឿងញៀន មួយចំនួនទៀត។ ២-អាវុធAK47ចំនួន០១ដើមបង់ គ្របចំនួន០៤គ្រាប់ ៣-ទូរសព្ទដៃម៉ាក Redmi ពណ៏ស០១គ្រឿង
បច្ចុប្បន្ន ជនសង្ស័យ រួមនឹងវត្ថុតាង បានឃាត់រក្សាទុក នៅអធិការដ្ឋាន នគរបាលស្រុក ត្រពាំងប្រសាទ ដើម្បីកសាង សំណុំរឿងបញ្ជូនទៅ ការិយាល័យជំនាញនៃ ស្នងការដ្ឋាននគរបាល ខេត្តឧត្តរមានជ័យ ចាត់ការបន្ត តាមនីតិវិធី។ ដោយ លោក អ៊ុងវ៉ាន់
