(ខេត្តបន្ទាយមានជ័យ)៖ សត្វគោ៥ ត្រូវរន្ទះបានបាញ់ងាប់ ៥ក្បាលភ្លាមៗ នៅនិងកន្លែង ពេលដែលម្ចាស់គោ យកទៅចងឲ្យស៊ីស្មៅ នៅក្រោមដើមឈើ ស្របពេលនោះ មានធ្លាក់ភ្លៀងយ៉ាង ខ្លាំងស្រាប់តែរន្ទះ បាញ់សត្វគោងាប់៥ក្បាល នៅកន្លែងតែម្តង។ រឿងរាវនោះកើតឡើង នៅវេលាម៉ោង ៣និង៤០នាទីរសៀលថ្ងៃទី៣១ ខែឧសភា ឆ្នាំ ២០២២ នៅភូមិកាប់ចោរ ភូមិថ្មី ឃុំថ្មី ស្រុកថ្មពួក ខេត្តបន្ទាយមានជ័យ ។
នគរបាលបានស្រុកថ្មពួក បានប្រាប់អ្នកយកព័ត៍ មានឲ្យដឹងថាសត្វគោ ចំនួន៥ក្បាល បានងាប់ដោយ សារត្រូវរន្ទះបាញ់ ។
បើតាមការអះ របស់ម្ចាស់គោ ឈ្មោះ គត់ សេងគី ភេទប្រុស អាយុ ៣៧ ឆ្នាំ រស់ភូមិថ្មី ឃុំថ្មីស្រុកថ្មពួក ខេត្តបន្ទាយមានជ័យ បានប្រាប់សត្ថកិច្ចឲ្យដឹងថា មុនពេលកើតហេតុ នោះ គាត់បានយក គោរបស់គាត់ ចំនួន៤ ក្បាលមេទាំងអស់និង ម្ចាស់គោ ឈ្មោះគុន កន ភេទប្រុស អាយុ៤០ឆ្នាំ យកគោរបស់គាត់ ចំនួន១ ក្បាលញី យកទៅមើលនៅ ចំណុចកើតហេតុពេល មេញកំពុងក្តៅខ្លាំង ក៏យកគោទៅចងឲ្យ ស៊ីស្មៅនៅខាងលិចភូមិ ក្រោមដើមឈើ ស្របពេលនោះក៏មាន ភ្លៀងធ្លាក់យ៉ាងខ្លាំង លាយឡំជាមួយ និងខ្យល់ផ្គររន្ទះ បានបាញ់សត្វគោ ទាំង៥ក្បាល នោះងាប់តែម្តង នៅក្រោមដើមឈើ ចំពោះមនុស្សពុំមាន គ្រឿថ្នាក់អ្វីនោះទេ ។
ទាក់ទិននឹងរន្ទះបាញ់ សត្វគោស្លាប់នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ បានអំពាវនាវដល់ ប្រជាពលរដ្ឋទាំងអស់ ឲ្យមានការប្រុង ប្រយ័ត្នខ្ពស់ ព្រោះនេះជារដូវ វស្សា បើទៅធ្វើស្រែ ចម្ការ ឃើញមេឃ រកកលនឹងភ្លៀង ត្រូវរត់រកទីកន្លែងដែល មានសុវត្ថិភាព ព្រោះមានភ្លៀងភាគ ច្រើនគឺលាយឡំជា មួយខ្យល់និងផ្គររន្ទះ អាចបាញ់មនុស្សស្លាប់ ដោយមើលពុំឃើញឡើយ ៕
