បុរសម្នាក់អ្នកដឹក កូនឈើលក់ ត្រូវបានគេប្រទះ ឃើញស្លាប់ក្នុង ប្រឡាយទឹក ដោយរ៉ឺម៉កដឹក កូនឈើសង្កត់ ពីលើបង្កឲ្យ មានការភ្ញាក់ផ្អើល

(ខេត្តបន្ទាយមានជ័យ)៖ លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក  បានឲ្យសារព័ត៍ មានដឹងថា៖ នៅវេលាម៉ោង ០៣និង៣០នាទី រសៀល ថ្ងៃទី០២ ខែកក្កដា ឆ្នាំ ២០២២ មានប្រជាពល រដ្ឋបានរាយការណ៍ថា មានករណីម៉ូតូ ម៉ាកវ៉េវ អាល់ហ្វា ស្លាកលេខ បាត់ដំបងAJ ៣២៦៧ ពណ៌ខ្មៅ ដឹកកូនឈើលក់ ធ្លាក់ចូលក្នុងទឹក ប្រឡាយចម្ងាយ ប្រហែល៥០០ម៉ែត ចំណុចលូខ្ពស់ដោយ ពុំឃើញម្ចាស់នៅខាង លិចភូមិថ្មី ឃុំតាផូ  ស្រុកស្វាយចេក  ខេត្តបន្ទាយមានជ័យ។

លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក បានបញ្ជាក់ថា៖ ក្រោយពីទទួលបានព័ត៌មាន ភ្លាមៗលោកបាន បញ្ជាកម្លាំងនគបាល ជំនាញចុះទៅដល់កន្លែង កើតហេតុ នឹងសហការ ជាមួយប្រជាពល រដ្ឋរាវរកឃើញមនុស្ស ស្លាប់នៅក្នុង ទឹកប្រឡាយក្រោមរទេះ ដឹកកូនឈើមិន ដឹងតាំងពីពេល ណានោះទេ ហើយសមត្ថកិច្ច ស្រង់សព ឡើងមកលើ និងឆែក ក្នុងកាបូប ស្ពាយចំហៀង របស់សព ក៏បានឃើញ ៖- អត្តសញ្ញាណប័ណ្ណ ឈ្មោះ អិន សែនភេទ ប្រុសអាយុ៤១ឆ្នាំ  រស់នៅភូមិ កៀនកែស២ ឃុំគោកឃ្មុំ ស្រុកថ្មគោល ខេត្តបាត់បង ,-ទូរសព្ទ ម៉ាកសាំសុង ពណ៌ខ្មៅ,-លុយខ្មែរ ៤៦០.៧០០រៀលនិងកាត ចាក់វ៉ាក់សាំង កូវីដ-១៩ ក្រោយ មកបានធ្វើការ ស្រាវជ្រាវសាច់ញាតិ និងរកឃើញក្រុមគ្រួសារ ផ្ទាល់ក៏បានប្រគល់ សពឲ្យគាត់យកទៅ ចាត់ចែងធ្វើបុណ្យ តាមប្រពៃណី ។

ប្រភពពីកន្លែងកើតហេតុថា មុនពេលកើត ហេតុជនរងគ្រោះ បានធ្វើដំណើរពី កើតទៅលិច  ពេលដល់ចំណុចលូរខ្ពស់ សង្ស័យគេចគ្រឡុក បណ្តាលរ៉ឺម៉ក ប្រទាញម៉ូតូធ្លាក់ ចូលទៅក្នុង ប្រឡាយទឹក ទាំងម៉ូតូនិងរ៉ឺម៉ក សង្កត់មនុស្សក្នុង ទឹកឈ្លក់ស្លាប់ដោយ គ្មានអ្នកដឹងនឹងជួយ ៕