(ខេត្តបន្ទាយមានជ័យ)៖ រថយន្តធំដឹកដី១គ្រឿង បើកលឿនដូចហោះ កាត់ផ្លូវមិនប្រយ័ត្ន ស្រាប់តែអ្នកជិះ ម៉ូតូ១គ្រឿង ជិះដោយយុវជន និងកុមា ២នាក់បុកពីក្រោយ ពេញទំហឹង មិនដឹងថា ស្លាប់ឬរស់ ។
រឿងរាវនេះកើតឡើង នៅវេលាម៉ោង១១ព្រឹក ថ្ងៃទី១១ ខែ កក្កដា ឆ្នាំ ២០២២ នៅចំណុច ចំណុចផ្លូវប្រសព្វផ្លូវ ជាតិលេ៥ ចូលមណ្ឌល សុខភាពអូអំបិល នៅភូមិអូរអំបិល ឃុំអូរអំបិល ក្រុងសិរីសោភ័ណ ខេត្តបន្ទាយមានជ័យ ។
លោកវរសេនីយ៍ឯក ស៊ីឌី អធិការនគរបាល ក្រុងសិរីសោភ័ណ បានប្រាប់អ្នកយក ព័ត៌មានឲ្យដឹងថា មុនពេល កើតហេតុនោះ មានរថយន្តមួយ គ្រឿងប្រភេទបែន ម៉ាកហ៊ីយ៉ានដាយ ពណ៌ស លាយខៀវ ប្រភេទដឹកដី ពាក់ផ្លាកលេខ បន្ទាយមានជ័យ 3A2004 ធ្វើដំណើរតាម បណ្តោយផ្លូវប៉េតុង ក្នុងទិសដៅពីជើងទៅត្បូង ក្នុងទីប្រជុំជន មុខសាលារៀន អូរអំបិលក្នុង ល្បឿនលឿនដោយ មិនបានប្រយ័ត្ន ស្របពេលនោះមាន ម៉ូតូឆ្លងកាត់ ម៉ាកសង់ពាក់ ស្លាកលេខ 1N.1403បន្ទាយមានជ័យ ស្រាប់តែម៉ូតូបើក ទៅបុករថយន្តដឹក ដីពីក្រោយ ពេញទំហឹងបណ្តាល ឲ្យអ្នកជិៈនិងអ្នក បើករបួសធ្ងន់២នាក់ នៅនិងកន្លែងមិនដឹង ថាស្លាប់ឬរស់នោះទេ។
លោកវរសេនីយ៍ឯក ស៊ីឌីបានបញ្ជាក់ ឲ្យដឹងបន្តទៀតថា អ្នកបើកម៉ូតូឈ្មោះ ណាត់ ភេទប្រុស អាយុ២១ឆ្នាំ និងក្មេងម្នាក់ឈ្មោះ យួក ភេទប្រុសអាយុ១០ឆ្នាំ រស់នៅភូមិអូរអំបិល ឃុំអូរអំបិល ក្រុងសិរីសោភ័ណ ខេត្តបន្ទាយមានជ័យ ។
ពេលដែលកើតហេតុ ហើយជនរងគ្រោះ ត្រូវបាននគរបាល ចរាចរណ៍ក្រុងជួយដឹក បញ្ជូនទៅមន្ទីរពេទ្យ ដើម្បីសង្គ្រោះបន្ទាន់ ចំណែក អ្នកបើករថយន្ត និងរថយន្ត និងម៉ូតូនគរបាល បញ្ជូនអធិការ នគបាលក្រុងសិរីសោភ័ណ រងចាំដោះស្រាយ ទៅតាមច្បាប់នៅ ពេលក្រោយ៕
