(ខេត្តបន្ទាយមានជ័យ)៖ កាលពីរសៀលថ្ងៃទី២៣ ខែកក្កដាឆ្នាំ២០២២នេះ លោកឧត្តមសេនីយ៍ត្រី បោន ប៊ិន បានដឹកនាំក្រុមកីឡាករ កងរាជអាវុធ ហត្ថខេត្តបន្ទាយមានជ័យ ប្រកួតលក្ខណៈមិត្តភាព ជាមួយក្រុមកីឡា មហាជន នៅពេលកំពុងភ្លៀង ។
ក្រោយពី បញ្ចប់ការប្រកួត លោកឧត្តម សេនីយ៍ត្រី បោន ប៊ិន ក៏បានពិនិត្យមើល បង្គោលភ្លើងធំៗ ទាំង៨ដើម ដែលបានបំពាក់ រួចរាល់នៅ តារាងបាល់ទាត់ វាលស្មៅធម្មជាតិ នៅសាលាតម្រង់ទិស វិទ្យាល័យ ហ៊ុន សែន ខ្លាកូន ដើម្បីបើកភ្លើង បំភ្លឺសាកល្បង ។
បង្គោលភ្លើងបំភ្លឺធំៗ ទាំង៨ដើមខាងលើ គឺជាអំណោយដ៏ ថ្លៃថ្លារបស់លោក ឧត្ដមសេនីយ៍ត្រី បោន ប៊ិន មេបញ្ជាការ កងរាជអាវុធ ហត្ថខេត្តបន្ទាយមានជ័យ ដើម្បីបំពាក់តារាង បង្កភាពងាយស្រួល ដល់ការប្រកួត កីឡាផ្សេងៗ ។ ជាមួយគ្នានោះដែរ លោកក៏នឹងធ្វើការ បំពាក់គ្រឿងបរិក្ខា បន្ថែមទៀតនៅតាម បង្គោលភ្លើងទាំង៨ដើមនោះផង៕
