ខេត្តបាត់ដំបង÷អនុវត្តតាមបទបញ្ជា ឯកឧត្តម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងមានការសម្របសម្រួលនីតិវិធីពី ឯកឧត្តម កែវសុជាតិ ព្រះរាជអាជ្ញា អមសាលាដំបូងខេត្តបាត់ដំបង និងក្រោមការដឹកនាំបញ្ជាផ្ទាល់របស់លោកវរសេនីយ៍ទោ ទឹម វិឆ័យ អធិការ នៃអធិការដ្ឋាននគរបាលស្រុកសំពៅលូន បានដឹកនាំកម្លាំងចុះប្រតិបត្តិការស្រាវជ្រាវ នៅថ្ងៃទី ១៣ ខែ សីហា ឆ្នាំ ២០២២ វេលាម៉ោង ១៥ និង ១៥ នាទី នៅចំណុច ភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង កម្លាំងអធិការដ្ឋាននគរបាលស្រុកសំពៅលូន បានធ្វើការឃាត់ខ្លួនជនសង្ស័យចំនួន ២នាក់ អំពើលួច (យកម៉ូទ័រស្វាន និងម៉ូទរ័កាត់ ) ជនសង្ស័យមានឈ្មោះដូចខាងក្រោម ÷ ១- ឈ្មោះ សៀប សេក ហៅ តួ ភេទប្រុស អាយុ ១៨ ឆ្នាំ ២-ឈ្មោះ សៀប វិសាល ភេទប្រុស អាយុ ១៦ ឆ្នាំ អ្នកទាំងពីរ មានទីលំនៅ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង ដកហូតវត្ថុតាង ÷ ម៉ូទ័រស្វាន ចំនួន ០២ គ្រឿង , ម៉ូទ័រកាត់ ចំនួន ០១ គ្រឿង , ទុយោជ័រ ពណ៌ស ចំនួន ០១ កំណាត់ ដែលជនសង្ស័យ បានធ្វើសកម្មភាពលួច របស់ជនរងគ្រោះ -ឈ្មោះ ផល ចំរើន ភេទប្រុស អាយុ ៣៥ ឆ្នាំ នៅចំណុចផ្ទះរបស់ជនរងគ្រោះ ស្ថិតក្នុង ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង កាលពីថ្ងៃទី ០៨ ខែ សីហា ឆ្នាំ ២០២២ វេលាម៉ោងប្រហែល ១៨ និង ១០ នាទី ។ បច្ចុប្បន្នជនសង្ស័យ÷ទាំង២នាក់ខាងលើរួមទាំងវត្ថុតាង កម្លាំងជំនាញបានធ្វើការឃាត់ខ្លួនយកធ្វើការសាកសួរអធិការដ្ឋាននគរបាលស្រុកសំពៅលូន ដើម្បីកសាងសំណុំរឿងបញ្ជូនទៅ បញ្ជូនទៅការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី ។
