ខេត្តបន្ទាយមាមានជ័៖ លោកវីរៈសេនីយ៍ត្រីនួននីណារ៉ូ មេបញ្ជាការមូលដ្ឋានកងរាវុធហត្ថកក្រុងប៉ោយប៉ែត នៅវេលាម៉ោង ០៣និង០០នាទី ថ្ងៃទី៣០ ខែសីហា ឆ្នាំ២០២២ បានដឹកនាំកម្លាំងចុះប្រតិបត្តិការបង្ក្រាប ឃាត់ខ្លួនជនជាតិថៃម្នាក់ ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ក្នុងកិច្ចចុះប្រតិបត្តិការកម្លាំងមូលដ្ឋានកងអាវុធហត្ថក្រុងបានដកហូតវត្ថុតាំងថ្នាំញៀនមួយចំនួន នៅចំណុចអាគារដើមពុទ្រា ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ នាំមកកាន់មូលដ្ឋានកងអាវុធហត្ថក្រុងប៉ោយប៉ែតចាត់ការតាមនិតិវិធី។ លោកវរសេនីយ៍ត្រី នួន នីណារ៉ូ មេបញ្ជាការ បបានឱ្យដឹងថា: ក្រោយពីទទួលពត៌មានពីប្រជាពលរដ្ឋថាមានករណី រក្សាទុក និងប្រើប្រាស់ដោយខុសច្បាប់នូវសារធាតុញៀន កម្លាំងអាវុធហត្ថក្រុងប៉ោយប៉ែត បានចុះដល់ចំណុចកើតហេតុខាងលើ បានឃាត់ខ្លួនជនសង្ស័យម្នាក់ឈ្មោះ ស៊ូផារ៉ាត ឈុំស៊ី ភេទប្រុស អាយុ២១ឆ្នាំ ជនជាតិថៃ ស្នាក់នៅបណ្ដោះអាសន្ន ភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ ក្នុងប្រតិបត្តិការនោះកម្លាំងអាវុធហត្ថ បានដកហូតវត្ថុតាងរួមមាន ម្សៅក្រាម ពណ៌ស(ខេហិត) ចំនួន ០១កូនថង់កិប ទម្ងន់ ២,៨៦ក្រាម, ទូរស័ព្ទ ចំនួន ០១គ្រឿង ,កូនកាំប៊ិតដងជ័រចំនួន០១ដេីម,កាបូបស្ពាយ ពណ៌ខ្មៅ ចំនួន ០១,អត្តសញ្ញាណបណ្ណសញ្ជាតិថៃ ចំនួន១សន្លឹក។ ក្រោយឃាត់ខ្លួនកម្លាំងជំនាញមូលដ្ឋានកងរាជអាវុធហត្ថក្រុងបានសួចម្លេីយជនសង្ស័យ បានសារភាពថា រូបខ្លួនពិតជាបានរក្សាទុក និងប្រើប្រាស់ដោយខុសនូវសារធាតុញៀនពិតប្រាកដមែន ។
