(ខេត្តបន្ទាយមានជ័យ)៖ កាលពីព្រឹក ថ្ងៃទី២ ខែកញ្ញា ឆ្នាំ២០២២ លោកវរសេនីយ៍ត្រី គង់ សារ៉ុម មេបញ្ជាការ វរសេនាតូចថ្មើរជើងលេខ៥១៣ បានដឹកនាំយោធិន គ្រួសារយោធិន ចុះស្ទូងស្រូវដែល ជាការងារបង្កបង្កើន ផលរបស់អង្គភាព ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
សូមបញ្ជាក់ថា ក្រៅពីអនុវត្តភារកិច្ចស្នូល របស់អង្គភាព មេបញ្ជាការ វរសេនាតូចថ្មើរ ជើងលេខ៥១៣ បានរិះរកគ្រប់មធ្យោបាយ កែច្នៃទីតាំងដីនៅ ក្នុងអង្គភាពបង្កបង្កើន ផលមួយចំនួនដូចជា ដីខ្ពស់ដាំបន្លែរួមផ្សំ គ្រប់ប្រភេទ និងដំណាំ យុទ្ធសាស្រ្តផ្សេងៗ ដូចជា ដូង ស្វាយ ក្រូចឆ្មារ។ល។
ឯដីទំនាបបានធ្វើស្រែ ដើម្បីប្រមូលផលស្រូវ អង្ករ ទៅផ្គត់ផ្គង់ចិញ្ចឹមទ័ពទាំងនៅជួរមុខ និងនៅផ្នែកខាងក្រោយ ហើយលើសតម្រូវ ការយកទៅលក់លើ ទីផ្សារបានថវិកាមក ជួយយោធិន គ្រួសារយោធិនជួប ការលំបាក និងកសាងអង្គភាព៕
