កម្លាំងនគរបាលស្រុកម៉ាឡៃ ឃាត់ខ្លួនបានជនសង្ស័យ២នាក់ ពាក់ព័ន្ធចែកចាយ និងប្រើប្រាស់គ្រឿងញៀន បញ្ជូនទៅកាន់តុលា….

(ខេរត្តបន្ទាយមានជ័យ)៖ កម្លាំងនគរបាល ស្រុកម៉ាឡៃ សហការជាមួយកម្លាំង ប៉ុស្តិ៍នគរបាល រដ្ឋបាលអូរស្រឡៅ ក្រោយការដឹកនាំ បញ្ជារផ្ទាល់ពី លោកវរសេនីយ៍ទោ ភា មុនីទិត្យ ធិការស្តីទី នគរបាលស្រុកម៉ាឡៃ បានចុះបង្ក្រាបករណី ចែកចាយនិង ប្រើប្រាស់គ្រឿងញៀន មួយកន្លែងនិឃាត់ ខ្លួនបានជនសង្ស័យ២នាក់ កាលពីថ្ងៃ ទី០៣ខែកញ្ញាឆ្នាំ២០២២ នៅចំណុចភូមិចាន់គីរី ឃុំអូរស្រឡៅស្រុកម៉ាឡៃ ខេត្តបន្ទាយមានជ័យ។

លោកវរសេនីយ៍ទោ ភា មុនីទិត្យ អធិការស្តីទី នគរបាលស្រុកម៉ាឡៃ បានប្រាប់អោយដឹងថា ជនសង្ស័យទាំង២នាក់ដែលកម្លាំងជំនាញឃាត់ខ្លួនបានទ ១/ឈ្មោះ កែម ប៊ុនធឿន ភេទប្រុសអាយុ៣៤ឆ្នាំ មុខរបរកម្មករ មានទីលំនៅរស់នៅភូមិចាន់គីរី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ ២/ឈ្មោះ សឿ វ៉ាត់ ភេទប្រុសអាយុ២៦ឆ្នាំ មុខរបរកម្មករ មានទីលំនៅរស់នៅភូមិចាន់គីរី ឃុំអូរស្រឡៅ ស្រកម៉ាឡៃខេត្តបន្ទាយមានជ័យ។

ក្រោយពីឃាត់ខ្លួនជនសង្ស័យ ខាងលើកម្លាំងជំនាញ ឆែកឆេរនិងដកហូតបាន វត្ថុតាងរួមមាន ថ្នាំប្រភេទគ្រាប់ពណ៍ក្រហម មានអក្សរ WY០៧គ្រាប់ លាយជាមួយម្សៅក្រាមសថ្លា ចំនួន ០៧ កំណាត់ បំពង់ទុយោ (ដាក់ក្នុងបំពងទុយោជាមួយគ្នា) ។

បច្ចុប្បន្នជនសង្ស័យ ទាំង២នាក់ខាងលើ ត្រូវបានកម្លាំងជំនាញ នៃអធិការរដ្ឋាននគរបាល ស្រុកម៉ាឡៃ ក្រោយពីសាកសួរនិងកសាងសុំនុំរឿង បញ្ជូនខ្លួនទៅកាន់ការិយាល័យ ស្នងការរដ្ឋានគរបាល ខេត្តបន្ទាយមានជ័យដើម្បី ចាត់ការបន្តរ ទៅតាមនីតិវិធីច្បាប់៕