(ខេត្តបាត់ដំបង)៖ យ៉ាងហោចណាស់ មានមនុស្សបីនាក់ បានស្លាប់ភ្លាមៗនៅ ក្នុងឧបទ្ទវហេតុ គ្រោះថ្នាក់ចរាចរណ៍រ វាងរថយន្តដឹកទំនិញធុ នធ្ងន់បើកបុករថយន្ត PRIUS ពេញទំហឹងនៅវេលាម៉ោង ១៥និង៣០នាទី ថ្ងៃទី០៧ ខែតុលា ឆ្នាំ ២០២២ នៅត្រង់កំណាត់ផ្លូវ ប្រសប់ហៃវេស្ថិត ក្នុងភូមិកំពង់ពិល ឃុំវត្តតាមិម ស្រុកសង្កែ ខេត្តបាត់ដំបង។
ប្រភពនៅកន្លែង កើតហេតុបានប្រាប់ថា នៅមុនពេលកើត ហេតុគេឃើញរថយន្ត ម៉ាកPRIUS ពណ៍ស មួយគ្រឿង ពាក់ផ្លាកលេខ ភ្នំពេញ 2AW-6316 ធ្វើដំណើរជិះគ្នាបីនាក់ ទិសដៅពីត្បូងទៅជើង លុះមកដល់ចំណុច កើតហេតុខណៈដែល កំពុងបើកឆ្លងផ្លូវ ភ្លាមនោះក៏ស្រាប់តែមាន រថយន្តដឹកទំនិញធុនធ្ងន់ (ដឹកថ្ម)មួយគ្រឿងពណ៌ទឹកប្រាក់ ពាក់ផ្លាកលេខ ភ្នំពេញ 3G-1109 បើកបរដោយបុរស មិនស្គាល់ឈ្មោះ ក្នុងល្បឿនយ៉ាងលឿន ទិសដៅពីលិចទៅ កើតនិងជ្រុលមក បុករថយន្ត PRIUS ពេញទំហឹងអូសជិត ១០០ម៉ែត្រ បណ្តាលអោយអ្នក បើកបរនិងរួមដំណើរ សរុបចំនួន០៣នាក់ស្លាប់ភ្លាមៗ ចំណែករថយន្ត ខូចខាតយ៉ាងដំណំតែម្តង។
ក្រោយពេលកើត ហេតុសមត្ថកិច្ចជំនាញ បានចុះទៅវាស់វែង ធ្វើកំណត់ហេតុយក រថយន្តទាំងពីរគ្រឿង មករក្សាទុកនៅ ការិយាល័យចរាចរណ៍ ផ្លូវគោកដើម្បីរងចាំម្ចាស់ ចូលខ្លួនមកដោះស្រាយ តាមផ្លូវច្បាប់ ចំណែកសាកសពត្រូវ បានប្រគល់អោយ សាច់ញាតិយកទៅរៀប ចំធ្វើបុណ្យតាមប្រពៃណី។
