(ខេត្តបន្ទាយមានជ័យ)៖ ក្បាលគ្រាប់ ៦០ម.ម ចំនួន២គ្រាប់ និង គ្រាប់បែកដៃចំនួន១ គ្រាប់ ត្រូវបានប្រជាពលរដ្ឋប្រទះ ឃើញនៅក្នុងចំការរបស់ខ្លួន ពេលខ្លួនទៅដកដំឡូង។ ការប្រទះឃើញនេះ នៅវេលាម៉ោង ១០និង០០នាទីថ្ងៃទី១០ ខែតុសា ឆ្នាំ ២០២៣ នៅចំណុចខាងជើង ឈាងខាងកើតអាងគោកខ្វាវ មានចម្ងាយប្រហែល ជា៧០ ម៉ែត្រ ពីអាងខាងលិចភូមិតាស្មន់ ឃុំរលួស ស្រុកស្វាយចេក ខេត្តបន្ទាយមានជ័យ។
មន្ត្រីអាជ្ញាធរមូលដ្ខានបាន ប្រាប់អ្នកយកព័ត៌មាន ឲ្យដឹងថា ពលរដ្ឋដែលបានឃើញ គ្រាប់មិនទាន់ផ្ទុះនោះមាន ឈ្មោះ កៅ សុកឿង ភេទប្រុស អាយុ៣៦ ឆ្នាំ រស់នៅភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ។
មន្ត្រីអាជ្ញាធរមូលដ្ឋានបាន ប្រាប់អ្នកយកព័ត៌មាន ឲ្យដឹងថាពេល ដែលឈ្មោះ កៅ សុកឿង ទៅដកដំឡូង របស់ខ្លួន បានមកដក ដំឡូមីនៅត្រង់ ចំណុចខាងលើ ស្រាប់តែបានប្រទះ ឃើញក្បាលគ្រាប់ ចំនួន២គ្រាប់សំណល់ ពីសង្គ្រាម និងគ្រាប់បែក១គ្រាប់ នៅក្នុងចំការរបស់ខ្លួន ស្របពេលនោះម្ចាស់ចំ ការមករាយការណ៍ ដល់មន្ត្រីនគរបាល ប៉ុស្តិ៍ស្វាយចេក ដែលប្រចាំការនៅទីនោះ នគរបាលប៉ុស្តិ៍ស្វាយចេក បានចុះមកពិនិត្យដល់ កន្លែងនិងដាក់សញ្ញា គ្រោះថ្នាក់និងរាយការណ៍ ជូនជំនាញកំចាត់មីន បន្តយកយកទៅកំទេច ចោលផងដែរ៕
