បាត់ដំបង÷-នៅថ្ងៃសៅរ៍៥កេីតខែកត្តិកឆ្នាំខាលចត្វាស័កព.ស.២៥៦៦ ត្រូវនឹងថ្ងៃទី២៩ ខែតុលា ឆ្នាំ២០២២ វេលាម៉ោង០៨និង០០នាទីព្រឹក អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន បានដឹកនាំកម្លាំងក្នុងផែនរួមសហការជាមួយសមត្ថកិច្ចមូលដ្ឋានកងរាជអាវុធហត្ថខេត្តបាត់ដំបង មូលដ្ឋានកងរាជអាវុធហត្ថស្រុកសំពៅលូន នគរបាលស្រុកសំពៅលូននិងនគរបាលវរ:សេនាតូចការពារព្រំដែនគោកលេខ៨១៧បានត្រួតពិនិត្យលើគោលដៅចំនួន០២ដេីម្បីត្រួតពិនិត្យចល័ត បង្ការទប់ស្កាត់ និងបង្រ្កាបបទល្មើសគ្រឿងញៀន និងសារធាតុគីមីផ្សំគ្រឿងញៀនខុសច្បាប់ដែលអាចឆ្លងកាត់នៅភូមិសាស្រ្តស្រុកជាប់ព្រំដែននោះគឺ -គោលដៅទី០១៖ ចំណុចផ្លូវលេខ៥៩ ក្រុមទី៥ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង ពិនិត្យលើរថយន្តចំនួន ៣៦០គ្រឿង មនុស្ស ៦៨២នាក់ ស្រី ២៤៧នាក់ ក្នុងនោះ៖ -រថយន្តធុនធំ ចំនួន ១៥៥គ្រឿង មនុស្ស ២២៧នាក់ ស្រី១១២នាក់។ -រថយន្តធុនតូចចំនួន ២០៥នាក់ មនុស្ស ៤៥៥នាក់ ស្រី ១៣៥នាក់ និងម៉ូតូចំនួន ៧៣គ្រឿង មនុស្ស១៤៥នាក់ ស្រី ៧៥នាក់ -គោលដៅទី០២៖ ផ្លូវលេខ៥៧B ក្រុមទី៦ ភូមិវាលវង់ ឃុំតាស្ដា ស្រុកសំពៅលូន ចាប់ពីម៉ោង១៣និង០០នាទីរសៀល បានត្រួតពិនិត្យលើរថយន្តចំនួន ២៨៥គ្រឿង មនុស្ស ៤៧០នាក់ ស្រី ២២៥នាក់ ក្នុងនោះ៖ -រថយន្តធុនធំ ចំនួន ១៤៥គ្រឿង មនុស្ស ២៦៥នាក់ ស្រី ៩៥នាក់។ -រថយន្តធុនតូចចំនួន ១៤០គ្រឿង មនុស្ស ២០៥នាក់ស្រី ១៣០នាក់ និងម៉ូតូចំនួន ១៤៩គ្រឿង មនុស្ស ២៧៨ ស្រី ១០៥នាក់។ ជាលទ្ធផលសរុបទាំង០២គោលដៅគឺ ៖ រថយន្តចំនួន៦៤៥គ្រឿង មនុស្ស ១១៥២នាក់ ស្រី ៤៧២នាក់ និងម៉ូតូសរុបចំនួន ២២២គ្រឿង មនុស្ស ៤២៣នាក់ ស្រី ១៨០នាក់។ ក្នុងកិច្ចប្រតិបត្តិការខាងលើ សមត្ថកិច្ចុពុំបានរកឃើញសារធាតុគីមីផ្សំ គ្រឿងញៀនខុសច្បាប់ឡើយ ៕
