បាត់ដំបង÷នៅថ្ងៃទី២២ ខែកុម្ភៈ ឆ្នាំ២០២៣ វរសេនាតូចលេខ៥៣៣ កងពលតូចថ្មើរជើងលេខ៥៣ បានធ្វើយុទ្ធដំណើរទ័ព ស្ថិតនៅភូមិសាស្ត្រភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង។ វរសេនីយ៍ត្រី [ម៉ែន ម៉ូលី ]មេបញ្ជាការរវសេនាតូចលេខ៥៣៣ បានរាយការណ៍ថា អនុវត្តតាមបទបញ្ជា ឧត្តមសេនីយ៍ត្រី{ កែវ សេងលន }មេបញ្ជាការកងពលតូចថ្មើរជើងលេខ៥៣ លោកបាន ដឹកនាំកម្លាំង១៥០នាក់ ធ្វើលំហាត់យុទ្ធដំណើរទ័ពថ្នាក់កងអនុសេនាធំ វាយពួនស្ទាក់ខ្មាំង ដែលមានរយៈចម្ងាយ២០គីឡូម៉ែត្រ ដោយធ្វើការឆ្លងកាត់ឧបសគ្គចំនួន០៣ឧបសគ្គ ( ទី១-ឆ្លងកាត់ចម្ការមីន , ទី២-និងទី៣ ឆ្លងកាត់ទឹកអូរ ) ។ លោកមេបញ្ជាការវរសេនាតូចលេខ៥៣៣ បានបញ្ជាក់ថា ស្ថិតនៅក្នុងពេលប្រទេសមានសុខសន្តិភាព ស្ថិរភាពនយោបាយគឺជាឱកាសសម្រាប់កងទ័ពធ្វើការហ្វឹកហ្វឺនបំប៉នពង្រឹងសមត្ថភាព ការងារដឹកនាំបញ្ជា ជំនាញ យុទ្ធវិធី ឲ្យបានស្ទាត់ជំនាញ ដើម្បីធានាបានតាមបទបញ្ជារបស់ថ្នាក់លើ៕
