(ខេត្តបន្ទាយមានជ័យ)៖ សិស្សជាប់និទ្ទេស A ចំនួន២៥នាក់បានទទួល ម៉ូតូ១គ្រឿង និងទូរស័ព្ទIphoneX១ គ្រឿងនិង និងនិទ្ទេស B C D E ជាង ២,០០០នាក់ បានទទួលការឧបត្ថម្ភ ជាទឹកប្រាក់ចំនួន ៥០,០០០រៀល ពីលោកជំទាវមៅ ម៉ាល័យ កែគឹមយ៉ាន ប្រធានកិត្តិយស សមាគមនារីកម្ពុជា ដើម្បីសន្តិភាពនិងអភិវឌ្ឍ ខេត្តបន្ទាយមានជ័យ លោកស សុខា រដ្ឋលេខា ធិការក្រសួងអប់រំ លោកជំទាវកែសួនសុភី ភរិយា លោកស សុខា នៅសាលប្រជុំសាលា ខេត្តល្ងាច ថ្ងៃទី១៨ ខែតុលា ឆ្នាំ២០១៩។
ក្នុងនោះមានអ្នកចូល រួមលោកអ៊ុំ រាត្រី អភិបាលខេត្ត បន្ទាយមានជ័យ លោកឈួ ប៊ុនរឿង ប្រធាន មន្ទិរអប់រំខេត្ត ស្ថាប័ណ្ណ ទាំង៣អង្គភាព ប្រធានមន្ទីរ លោកហ៊ឹល រ៉ាយ៉ា អភិបាលក្រុងសិរីសោភ័ណ។
ជាកិច្ចចាប់ផ្តើម លោកឈួ ប៊ុនរឿងបានឲ្យដឹងថា យោងលទ្ធផលរបស់ ក្រសួងអប់រំ យុវជននិងកីឡា លើការប្រឡង បាក់ឌុបចំណេះ ទូទៅនិងបំពេញវិជ្ជា សម្រាប់នៅខេត្តបន្ទាយ មានជ័យឆ្នាំ២០១៩នេះ គឺបេក្ខជននារីចំណេះទូទៅ បំពេញវិជ្ជានិងស្វៃ រិនមានវត្តមានមកប្រឡង ចំនួន៤.៨៥១ នាក់ស្រី២.៥៦៣នាក់ ក្នុងនោះ ការប្រឡងជាប់ ចំនួន២.៦៨៤ ស្រី ១.៥៤៦នាក់ ឬ ស្មើនឹង៥៥,១៧ ភាគរយ ក្នុងនោះ បេក្ខជនបាន និទ្ទេសA ចំនួន២៥ នាក់ ស្រី១៥នាក់ និទ្ទេសB ចំនួន១០១នាក់ ស្រី៦១នាក់ក្នុងនោះ បេក្ខជនបាននិទ្ទេស A ចំនួន២៥នាក់ ស្រី១៥នាក់ និទ្ទេសB ចំនួន១០១នាក់ ស្រី៦១នាក់ ការប្រឡង បានកើនឡើងនូវ ចំនួនបេក្ខជននារីនិង មណ្ឌលថ្នាក់វិទ្យា សាស្ត្រសង្គម ប៉ុន្តែថ្នាក់វិទ្យាសស្ត្រថយចុះ ។
លោកបានបញ្ជាក់ឲ្យ ដឹងទៀតថាការប្រឡង បាក់ឌុបនៅខេត្តបន្ទាយ មានជ័យឆ្នាំនេះ មាន៧មណ្ឌលរួមមាន មណ្ឌលវិទ្យាល័យសម្តេចឱ វិទ្យាល័យសិរីសោភ័ណ វិទ្យាល័យហ៊ុនសែនខ្លាកូន វិទ្យាល័យសកពនអីរអូរអំបិល បឋមសិក្សាហ៊ុនសែន សូភី សាកលវិទ្យាល័យមានជ័យនិងសាកលវិទ្យាល័យគ្រប់គ្រង់និងសេដ្ឋកិច្ច ដែលស្ថិតនៅក្រុងសិរីសោភ័ណ ពោលគឺឆ្នាំ២០១៩មានសរុប១៩៨បន្ទប់ ។
ក្នុងនោះលោកអ៊ុ រាត្រី អភិបាលខេត្តបន្ទាយមានជ័យ បានមានប្រសាសន៍ អបអរសាទរនិងធ្វើ ការលើកទឹកចិត្តដល់បេក្ខជន បេក្ខនារីប្រឡងជាប់ តែក៏ផ្តល់កម្លាំងចិត្តដល់បេក្ខ ជនប្រឡងធ្លាក់ដែរថាកុំអស់សង្ឃឹមហើយខិតខំតស៊ូរៀនសូត្រឡើងវិញដើម្បីប្រឡងជាប់នៅឆ្នាំក្រោយៗទៀតឬ ក៏អាចចូលរៀនតាម សាលាបណ្តុះ បណ្តាលវិជ្ជាជីវ: រៀននៅថ្នាក់បរិញ្ញាប័ត្ររងបាន។
ក្នុងនោះផងដែរលោក ស សុខា សង្ឃឹមនិងជឿជាក់ យ៉ាងមាំថាសិស្សានុសិស្ស គ្រប់ជំនាន់និង រក្សាបាននូវលទ្ធផល ដ៏ឆ្នើមនេះបន្ថែមទៀតដើម្បី លើកស្ទួយមុខមាត់ ខេត្តបន្ទាយមានជ័យ បន្ថែមទៀតនិងលោក សូមឲ្យសិស្សទាំងអស់ជៀស ឲ្យឆ្ងាយពីគ្រឿងញៀន គ្រឿងស្រវឹង ដែលជាហេតុបំផ្លាញ ទ្រព្យសម្បត្តិឪពុកម្តាយ បោះបង់ការសិស្សា ខូចសុខភាពធ្វើឲ្យក្រុមគ្រួសារអស់សង្ឃឹមជាដើមផងដែរ៕
