រាជធានីភ្នំពេញ ៖ កម្លាំងសមត្ថកិច្ច បានឃាត់ខ្លួនជនជាតិចិនម្នាក់ ក្រោយដកកាំភ្លើងបាញ់មេឃជាច្រើនគ្រាប់បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ចុះអន្តរាគមន៍ឃាត់ខ្លួនយកទៅសួរនាំ កាលពីវេលាម៉ោង៣:៥០នាទីជិតភ្លឺ ថ្ងៃទី៥ ខែកក្កដា ឆ្នាំ២០២៣ ស្ថិតនៅផ្លូវបេតុង ទល់មុខព្រលានយន្តហោះ ក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ យោងតាមប្រភពព័ត៌មានពីសមត្ថកិច្ច បានឱ្យដឹងថា មុនពេលកើតហេតុ បានឃើញជនជាតិចិនម្នាក់ដើរថ្មើជើងតាមបណ្តោយផ្លូវបេតុង ក្នុងទិសដៅពីត្បូងទៅជើង ខណៈដល់ចំណុចកើតហេតុ ក៏ដកកាំភ្លើងបាញ់ឡើងលើមេឃជាច្រើនគ្រាប់បង្កការភ្ញាក់ផ្អើលដល់ពលរដ្ឋនៅក្បែររត់ចែកជើងគ្នា និងរាយការណ៍ទៅសមត្ថកិច្ចភ្លាមៗ។ ក្រោយពីទទួលអំពីព័ត៌មាននេះ កម្លាំងប្រដាប់អាវុធខណ្ឌពោធិ៍សែនជ័យ មានទាំងកម្លាំងអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងមូលដ្ឋានអាវុធហត្ថខណ្ឌពោធិ៍សែនជ័យ ចុះអន្តរាគមន៍ឡោមព័ទ្ធទីតាំងកេីតហេតុ និងបិទផ្លូវចេញចូល រងចាំបទបញ្ជាពីថ្នាក់លេី ចំណែកកម្លាំងកងរាជអាវុធហត្ថខណ្ឌពោធិ៍សែនជ័យ សហការជាមួយកម្លាំងអាវុធហត្ថរាជធានីភ្នំពេញ បានបេីកការបង្ក្រាបចូលទៅធ្វើការឃាត់ខ្លួនជនសង្ស័យបាន យកទៅសួរនាំភ្លាមៗ និងដកហូតកាំភ្លើងខ្លី ១ដើម ម៉ាកK54 និងគ្រាប់ជាច្រេីនគ្រាប់ផងដែរ ។ បច្ចុប្បន្នជនសង្ស័យត្រូវបានសមត្ថកិច្ចកំពុងសាកសួរ និងចាត់ការតាមនីតិវិធី៕
You might like
កងរាជអាវុធហត្ថខេត្តបញ្ជូនជនសង្ស័យជនជាតិខ្មែរ-ថៃ ចំនួន២នាក់ ទៅសាលាដំបូងខេត្តអនុវត្តតាមនីតិវិធី ពាក់ព័ន្ធករណី ជួញដូរ និងប្រើប្រាស់ដោយខុសច្បាប់នូវសារធាតុញៀន
23/09/2024
8 Likes
10
ថ្នាក់ដឹកនាំខេត្តប៉ៃលិន នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ ចំនួន ៣វត្ត ក្នុងក្រុងប៉ៃលិន នាឱកាសបិណ្ឌវេនទី៤..!?
22/09/2024
5 Likes
11
លទ្ធផលបង្ក្រាបករណីក្មេងទំនើង ២សប្ដាហ៍ដើមខែកញ្ញានេះ នគរបាលបង្ក្រាបបានជាង២០ករណី
19/09/2024
13 Likes
11
អ្នកនាំពាក្យឯកឧត្តម ស សុខា ផ្ញើសារប្រកបដោយក្ដីសង្ឃឹមជូនឪពុកម្ដាយសពកុមារី២រូបស្លាប់ដោយគ្រោះថ្នាក់ចរាចរណ៍
19/09/2024
18 Likes
13