បាត់ដំបង÷កាលពីយប់ថ្ងៃទី៤ ខែកញ្ញា ឆ្នាំ២០២៣វេលាម៉ោង១០និង៤០នាទីនៅចំណុច ភូមិដូនញ៉ែម ឃុំល្វាស្រុកបវេល ខេត្តបាត់ដំបង អនុវត្តតាមយោបល់ ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯកសុខ និមល ស្នង ការរងផែនការងារប្រឆាំងគ្រឿងញៀន លោកវរសេនីយ៍ឯកសុខ សារិន អធិការនគរបាលស្រុកបវេល បានដឹកនាំកម្លាំងជំនាញប្រឆាំងគ្រឿងញៀនរួមជាមួយកម្លាំងអន្តរាគមន៍នៃអធិការដ្ឋាននគរបាលស្រុកបានធ្វើការបង្រ្កាបករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មេីសជាក់ស្តែង ។ ជាលទ្ធផលបានឃាត់ខ្លួនជនសង្ស័យចំនួន០១ឈ្មោះ អោ វិជ្ជៈ ភេទប្រុស អាយុ៣៨ឆ្នាំ ជនជាតិខ្មែរ រស់នៅភូមិដូនញ៉ែម ឃុំល្វា ស្រុកបវេល ខេត្តបាត់ដំបង។ ចាប់យកសម្ភារះវត្ថុតាងរួមមាន៖ -ថ្នាំគ្រាប់រាងមូលសំប៉ែនពណ៌ផ្កាឈូកមានអក្សរបរទេសWYលើចំហៀងគ្រាប់នីមួយៗចំនួន៣៤គ្រាប់ សង្ស័យមានសារធាតុញៀន។ -ទូរស័ព្ទដៃចំនួន០១គ្រឿង ។ ឆ្លងតាមចម្លើយសារភាពរបស់ជនសង្ស័យខាងលេីសមត្ថកិច្ចបានបន្តកិច្ចប្រតិបត្តិការរហូតឈានដល់ការចាប់ខ្លួនជនសង្ស័យចំនួន០១នាក់ទៀតនៅចំណុច ភូមិល្វា ឃុំល្វា ស្រុកបវេល ខេត្តបាត់ដំបង នៅថ្ងៃទី០៥ខែកញ្ញា ឆ្នាំ២០២៣វេលាម៉ោង១០និង២០នាទីដែលជនសង្ស័យឈ្មោះ សម្បត្តិ រ័ត្ន ភេទប្រុស អាយុ៣៤ឆ្នាំ រស់នៅភូមិល្វា ឃុំល្វា ស្រុកបវេល ខេត្តបាត់ដំបង។ -ចាប់យកសម្ភារះវត្ថុតាងរួមមាន៖ -ថ្នាំគ្រាប់រាងមូលសំប៉ែនពណ៌ផ្កាឈូកមានអក្សរបរទេសWYលើចំហៀងគ្រាប់នីមួយៗចំនួន១៣២គ្រាប់ សង្ស័យមានសារធាតុញៀន។ -ម្សៅក្រាមពណ៌សថ្លាច្រកក្នុងថង់ប្លាស្ទិចចំនួន០១ថង់ សង្ស័យមានសារធាតុញៀន ។ – ទូរស័ព្ទដៃចំនួន០១គ្រឿង ។ -*វត្ថុតាងចាប់យកបានសរុបរួមមាន៖ -ថ្នាំគ្រាប់រាងមូលសំប៉ែនពណ៌ផ្កាឈូកមានអក្សរបរទេសWYលើចំ ហៀងគ្រាប់នីមួយៗចំនួន១៦៦គ្រាប់ សង្ស័យមានសារធាតុញៀន។ -ម្សៅក្រាមពណ៌សថ្លាច្រកក្នុងថង់ប្លាស្ទិចចំនួន០១ថង់ សង្ស័យមានសារធាតុញៀន ។ -ទូរស័ព្ទដៃចំនួន០២គ្រឿង។ ករណីនេៈវត្ថុតាងនិងជនសង្ស័យសមត្ថកិច្ចកំពុងកសាងសំណុំរឿងបញ្ចូនមកការិយាល័យជំនាញអនុវត្តបន្តតាមនិតិវិធី ច្បាប់៕
