ខេត្តតាកែវ ៖ នៅថ្ងៃព្រហស្បតិ៍១៤កើត ខែភទ្របទ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៨ ខែកញ្ញា ឆ្នាំ២០២៣ វេលាម៉ោង១២និង៤៥នាទី ដោយមានការចង្អុលបង្ហាញពី លោក ឧត្តមសេនីយ៍ទោ (ឈាង ផាន់ណារ៉ា) ស្នងការនគរបាលខេត្តតាកែវ និងមានការសម្របសម្រួលពី ឯកឧត្តម ឯក( ឆេងហួត) ព្រះរាជអាជ្ញាអមសាលាដំបូងខេត្តតាកែវ បានទទួលបញ្ជាពីលោក វរសេនីយ៍ឯក( ចុល ចេក )ស្នងការរង ផែនការងារប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន ដឹកនាំដោយលោក វរសេនីយ៍ទោ (សុខ សង្ហា )បានចុះបង្ក្រាបទីតាំង០១កន្លែងនៅចំណុចក្នុងភូមិ ជាវប្ដី ឃុំតាអូរ ស្រុកគីរីវង់ ខេត្តតាកែវ ក៏បានធ្វើការឃាត់ខ្លួនជនសង្ស័យចំនួន០១នាក់៖
ឈ្មោះ សេង នុត ភេទប្រុស អាយុ២៣ឆ្នាំ មុខរបរ នេសាទត្រី មានទីលំនៅភូមិជាវប្តី ឃុំតាអូរ ស្រុកគីរីវង់ ខេត្តតាកែវ(ជួញដូរ-ប្រើប្រាស់) ដកហូតវត្ថុតាងបានរួមមាន៖ ម្សៅក្រាមពណ៌សថ្លាចំនួន៣កញ្ចប់តូច និងឧបករណ៍ប្រើប្រាស់មួយចំនួន រួច បញ្ជូនមកកាន់ស្នងការដ្ឋាននគរបាលខេត្តតាកែវ ដើម្បីកសាងសំណុំរឿងតាមនីតិវិធីច្បាប់។
