បន្ទាយមានជ័យ៖ នៅល្ងាចថ្ងៃសុក្រ ទី២៨ ខែមិថុនា ឆ្នាំ២០២៤ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្ត បានដឹកនាំកីឡាករបាល់ទាត់មហាជនខេត្ត ប្រកួតលក្ខណៈមិត្តភាព ផ្លាស់ប្ដូរបទពិសោធន៍ ជាមួយក្រុមកីឡា បាលទាត់ វិសាខា មកពីរាជធានីភ្នំពេញ ដេីម្បីមនុស្សធម៌ជួយដល់កុមារកម្ពុជា។
ការប្រកួតនេះធ្វេីឡេីនៅតារាងវាលស្មៅធម្មជាតិ ក្នុងវិទ្យាល័យ ហ៊ុន សែន ខ្លាកូន ស្ថិតក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ឱកាសនោះដែរ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងឯកឧត្តម កើត វណ្ណារ៉េត រួមនិងក្រុមកីឡាមហាជនខេត្តបន្ទាយមានជ័យ ក៏បានរៃអង្គាសថវិកាបានចំនួន១០លានរៀល ប្រគល់ជូនដល់ក្រុមកីឡាវិសាខា ដើម្បីជួយដល់កុមារផងដែរ៕