កំពង់ស្ពឺ ÷ដោយមានការចង្អុលដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងបានកិច្ចសម្របសម្រួលនីតិវិធីពី ឯកឧត្តម ព្រះរាជអាជ្ញាអមសាលាដំបូងខេត្តកំពង់ស្ពឺ
កម្លាំងជំនាញការងារប្រឆាំងគ្រឿងញៀនខេត្តកំពង់ស្ពឺ សហការជាមួយកម្លាំងជំនាញផ្នែកគ្រឿងញៀនក្រុង-ស្រុក រយៈពេល៣ថ្ងៃ ៣-៥ ខែកក្កដា ឆ្នាំ២០២៤ បានចុះស្រាវជ្រាវស៊ើបអង្កេតរហូតឈានទៅបង្ក្រាបករណីរក្សាទុក ជួញដូរ មុខសញ្ញាសង្ស័យពាក់ព័ន្ធនឹងគ្រឿងញៀនបាន ចំនួន ០៧នាក់ ស្រី ១នាក់ ៣គោលដៅផ្សេងៗគ្នា៖
+គោលដៅទី១ កាលថ្ងៃទី០៣ ខែកក្កដាឆ្នាំ ២០២៤ នៅចំណុចភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន បង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ៣នាក់ ស្រី ១នាក់ ៖
១-ឈ្មោះភោគ សារក្ស ប្រុស ៤១ឆ្នាំ នៅភូមិត្រស់ សង្កាត់ស្វាយក្រវ៉ាន់ ក្រុងច្បារមន
ឈ្មោះ២-ហួត ដាវីត ប្រុស ១៦ឆ្នាំ
៣- ឈ្មោះ វេង ស្រីនី ហៅ អ៊ូច ហៅ អ៉ីត្រពាំងទឹក ស្រី ៥០ឆ្នាំ ដកហូតម្សៅក្រាមពណ៌សថ្លាសង្ស័យជាគ្រឿងញៀន ៥កញ្ចប់តូច ទូរស័ព្ទ ២ និង ដាវ ២។
+គោលដៅទី២ កាលថ្ងៃទី០៤ ខែកក្កដា ឆ្នាំ ២០២៤ នៅចំណុចមុខក្វោងទ្វារចូលវត្តអង្គខ្មៅ ស្ថិតភូមិរំដួល ឃុំត្រពាំងគង ស្រុកសំរោងទង បង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ១នាក់ ៖១-ឈ្មោះ ភិន ចិត្រា (ហៅញ៉ា )ប្រុស ១៧ឆ្នាំ នៅភូមិភារី ឃុំរលាំងកែន ស្រុកកណ្តាលស្ទឹង ខេត្តកណ្តាល។ ដកហូតម្សៅក្រាមពណ៌សថ្លាសង្ស័យជាគ្រឿងញៀន ៥កញ្ចប់(មធ្យម១ តូច៤)ទូរស័ព្ទ ២, ម៉ូតូ ១គ្រឿង។
+គោលដៅទី៣ នៅថ្ងៃទី០៥ខែកក្កដា ឆ្នាំ២០២៤ នៅចំណុចភូមិព្រៃរំដួល ឃុំសែនដី ស្រុកសំរោងទង បង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានចំនួន ០៣នាក់ ÷
១-ឈ្មោះ សុង វឿនហៅ ដាំង ប្រុស ៣២ឆ្នាំ ២-ឈ្មោះ ឃុត វ៉ាន់ដេត ប្រុស ២៤ឆ្នាំ
៣-ឈ្មោះ វ៉ែន ឆានុន ភេទ ប្រុស អាយុ ២៤ឆ្នាំ នៅភូមិព្រៃរំដួល ឃុំសែនដី ស្រុកសំរោងទង ដកហូតម្សៅក្រាមពណ៌សថ្លាសង្ស័យជាគ្រឿងញៀន ចំនួន ០៣កញ្ចប់ (១តូច និង ២មធ្យម) និងឧបករណ៍ប្រើប្រាស់មួយចំនួន។
សមត្ថកិច្ចជំនាញ ដកហូតវត្ថុតាងសរុប ÷
-ម្សៅក្រាមពណ៌សថ្លាសង្ស័យជាគ្រឿងញៀន ចំនួន ១៣កញ្ចប់ (៧តូច និង ៦មធ្យម) ទូរសព្ទដៃចំនួន ៦គ្រឿង
-ម៉ូតូ ១គ្រឿង និងឧបករណ៍ប្រើប្រាស់មួយចំនួន។
បច្ចុប្បន្ន÷ជនសង្ស័យទាំង ៧នាក់ខាងលើសមត្ថកិច្ចជំនាញនគរបាលព្រហ្មទណ្ឌផ្នែកប្រឆាំងគ្រឿងញៀនកំពុងតែអនុវត្តនីតិវិធីបញ្ជូនទៅអយ្យការ អមសាលាដំបូងខេត្ដកំពង់ស្ពឺ ដើម្បីចាត់ការបន្តតាមច្បាប់៕
